Live Updates

وزیراعظم نے بنی گالہ کے نوجوانوں کیلئے زیرتعمیرکرکٹ گراؤنڈ کی تصاویر شیئر کردیں

بنی گالہ کے نوجوانوں کے لیے کرکٹ گراوَنڈ بنا رہے ہیں، یونین کونسل سطح پر ملک بھر میں گراوَنڈ بنائے جائیں گے۔وزیراعظم عمران خان کا ٹویٹ

ثنااللہ ناگرہ ہفتہ 26 جون 2021 20:46

اسلام آباد (اردوپوائنٹ اخبارتازہ ترین۔ 26 جون2021ء) وزیراعظم عمران خان نے بنی گالہ کے نوجوانوں کو کرکٹ گراؤنڈ کی خوشخبری سنا دی، بنی گالہ کے نوجوانوں کے لیے کرکٹ گراوَنڈ بنا رہے ہیں، یونین کونسل سطح پر ملک بھر میں گراوَنڈ بنائے جائیں گے۔ انہوں نے ٹویٹر پر اپنے ٹویٹ میں کہا کہ بنی گالہ کے نوجوانوں کے لیے کرکٹ گراوَنڈ بنا رہے ہیں۔ منصوبہ بندی کررہے ہیں کہ ملک بھر میں یونین کونسل سطح پر بھی گراوَنڈ بنائے جائیں گے۔

وزیراعظم نے بنی گالہ کے نوجوانوں کیلئے زیرتعمیر کرکٹ گراؤنڈ کی تصاویر بھی شیئر کی ہیں۔ جس میں دیکھا جاسکتا ہے کہ وزیراعظم عمران خان نے خود گراؤنڈ میں جاکر گراؤنڈ کی پِچ اور دیگر سہولیات ضروریات کا معائنہ بھی کیا۔

(جاری ہے)

Preparing a cricket ground for the youngsters of Bani Gala. InshaAllah, we are planning for sports grounds at Union Council level all over Pakistan. pic.twitter.com/L6RYY6Vy71
— Imran Khan (@ImranKhanPTI) June 26, 2021

دوسری جانب صوبائی وزیر کھیل وامور نوجوانان رائے تیمور خان بھٹی کی زیر صدرات جمعرات کے رو ز نیشنل ہاکی سٹیڈیم میں محکمہ سپورٹس پنجاب کا اعلی سطح اجلاس منعقد ہوا جس میں سپورٹس کے سالانہ ترقیاتی پروگرام، یوتھ افئیرز ونگ، سپورٹس ایوارڈ پروگرام اور سپورٹس کیلنڈر کا جائزہ لیا گیا ،سیکرٹری یوتھ افیئرز اینڈ سپورٹس پنجاب فواد ہاشم ربانی، ڈائریکٹر جنرل سپورٹس پنجاب عدنان ارشدا ولکھ نے بریفنگ دی، اجلاس میں ڈائریکٹر ایڈمن جاوید چوہان، ڈائریکٹر سپورٹس حفیظ بھٹی، پی ایم یو افسران ودیگر بھی شریک تھے، صوبائی وزیر کھیل وامور نوجوانان رائے تیمور خان بھٹی کو سپورٹس بورڈ پنجاب کے بورڈ کی میٹنگ میں ہونے والے فیصلوں ،یوتھ افئیرز ونگ میں افسران کی تعیناتی ، سالانہ ترقیاتی منصوبے ،آئندہ سپورٹس کیلنڈرپر تفصیلی بریفنگ دی گئی ،اجلاس میں پنجاب گیمز اور بین الصوبائی گیمز 2021 کے حوالے سے لائحہ عمل طے کیا گیا پہلا پنجاب سپورٹس ایوارڈ منعقد کرانے کا بھی فیصلہ کیا گیا، صوبائی وزیر کھیل وامور نوجوانان رائے تیمور خان بھٹی نے اجلاس سے خطاب کرتے ہوئے محکمہ سپورٹس پنجاب کے افسران کو پہلی سپورٹس پالیسی منظور ہونے پر مبارکباددی اور کہا پہلی سپورٹس پالیسی کے منظور ہونے سے پنجاب میں کھیلوں کے حوالے سے انقلابی تبدیلی آئیگی ، سپورٹس کو فروغ ملے گا اور کھلاڑیوں کی حوصلہ افزائی ہوگی، پنجاب حکومت نے سپورٹس کو اولین ترجیح دیتے ہوئے اگلے مالی سال کے بجٹ میںمحکمہ سپورٹس کے بجٹ میں 200 فیصد اضافہ کیا ہے جس سے سپورٹس کے جدید ترقیاتی منصوبہ جات بنائے جائیں گے ان منصوبوں میں اعلی معیار کی سہولیات فراہم کریں گے تاکہ کھلاڑی اپنے کھیل کو بہتر بنا کر ملک کا نام روشن کریں، انہوں نے افسران کو ہدایت کی کہ وہ گراس روٹ لیول تک ترقیاتی منصوبوں کی نگرانی کریں، صوبائی وزیر کھیل وامور نوجوانان رائے تیمور خان بھٹی نے مزیدکہا کہ آئندہ سپورٹس کیلنڈر پر عملدرآمد کے لئے بھرپور انتظامات کئے جائیں، پہلے سپورٹس ایوارڈ کی تقریب سے کھلاڑی کی حوصلہ افزائی ہوگی، ان کی کارکردگی کو سراہنے سے نوجوانوں میں سپورٹس کا شوق پیدا ہوگا،انہوں نے کہاکہ سپورٹس کے فروغ کے لئے میڈیا سے قریبی رابطہ رکھا جائے اور سپورٹس بورڈ پنجاب کے سوشل میڈیا کو مزید فعال کیاجائے تاکہ نوجوان سپورٹس سرگرمیوں سے آگاہ رہیں۔