پاک فوج خطرات سے نمٹنے کیلئے ہر شعبے میں جدت لائے گی، آرمی چیف

جنرل قمرجاوید باجوہ کا پنجاب رجمنل سینٹر کا دورہ، لیفٹیننٹ جنرل ماجد احسان کو کرنل کمانڈنٹ کے بیجز لگائے، انفنٹری سمیت ہر شعبے میں جدت لائیں گے۔ آرمی چیف جنرل قمر جاوید باجوہ

ثنااللہ ناگرہ جمعہ 2 جولائی 2021 21:16

پاک فوج خطرات سے نمٹنے کیلئے ہر شعبے میں جدت لائے گی، آرمی چیف

راولپنڈی (اردوپوائنٹ اخبارتازہ ترین۔ 02 جولائی2021ء) آرمی چیف جنرل قمرجاوید باجوہ نے کہا ہے کہ پاک فوج خطرات اور چیلنجز سے نمٹنے کیلئے ہر شعبے میں جدت لائے گی، انفنٹری میں جدت کیلئے ہرممکن اقدام اٹھائیں گے، آرمی چیف جنرل قمر جاوید باجوہ نے لیفٹیننٹ جنرل ماجد احسان کو کرنل کمانڈنٹ کے بیجز لگائے۔ پاک فوج کے شعبہ تعلقات عامہ آئی ایس پی آر کے مطابق چیف آف آرمی سٹاف جنرل قمر جاوید باجوہ نے پنجاب رجمنل سینٹر کا دورہ کیا، آرمی چیف نے پنجاب رجمنٹل سینٹر میں یادگار شہداء پر پھول چڑھائے۔

رجمنٹل سینٹر میں کرنل کمانڈنٹ کے بیجز لگانے کی تقریب کا انعقاد ہوا۔ تقریب میں حاضر سروس ، ریٹائرڈ افسران اور جوانوں نے شرکت کی۔تقریب میں سبکدوش ہونے والے کرنل کمانڈنٹ لیفٹیننٹ جنرل شاہد بیگ مرزا، افسروں اور جوانوں کی بڑی تعداد نے بھی شرکت کی۔

(جاری ہے)

آرمی چیف جنرل قمر جاوید باجوہ نے لیفٹیننٹ جنرل ماجد احسان کو کرنل کمانڈنٹ کے بیجز لگائے۔

اس موقع پر آرمی چیف جنرل قمر جاوید باجوہ نے افسروں اور جوانوں سے گفتگو کی اور پیشہ وارانہ شعبہ جات میں اعلی ترین معیار پر رجمنٹ کی تعریف بھی کی۔ آرمی چیف جنرل قمر جاوید باجوہ نے کہا کہ پاک فوج خطرات اور چیلنجز سے نمٹنے کیلئے ہر شعبے میں جدت لائے گی، انفنٹری سمیت ہر شعبہ میں جدت لانے کیلئے ہرممکن اقدامات اٹھائے جائیں گے۔