کراچی میں روزانہ 2 ہزار سے زائد کورونا مریض سامنے آ رہے ہیں، مرتضی وہاب

کورونا وائرس کے پھیلاو کے باعث اس وقت حالات بڑے تشویش ناک ہیں،ترجمان سندھ حکومت

جمعہ 30 جولائی 2021 17:45

کراچی میں روزانہ 2 ہزار سے زائد کورونا مریض سامنے آ رہے ہیں، مرتضی ..

کراچی (اُردو پوائنٹ اخبارتازہ ترین - این این آئی۔ 30 جولائی2021ء) حکومت سندھ کے ترجمان مرتضی وہاب نے کہا کہ کراچی میں روزانہ 2 ہزار سے زائد کورونا وائرس کے مریض آ رہے ہیں۔نجی ٹی وی سے گفتگو کرتے ہوئے مرتضیٰ وہاب نے کہا کہ کورونا وائرس کے پھیلاو کے باعث اس وقت حالات بڑے تشویش ناک ہیں۔

(جاری ہے)

مرتضی وہاب نے کہا کہ جب ہم لاک ڈاون کا کہتے تھے تو پی ٹی آئی حکومت منع کرتی تھی۔انہوںنے کہا کہ ڈرائنگ روم میں بیٹھ کر کہہ سکتے ہیں کہ لوگ کورونا وائرس کی ایس او پیز پر عمل کر رہے ہیں، عملا ایسا نہیں ہے۔ترجمان سندھ حکومت نے مزید کہا کہ سندھ میں ہی نہیں پاکستان بھر میں ایس او پیز کی خلاف ورزی کی جا رہی ہے۔مرتضی وہاب نے کہا کہ جو لیڈر ایس او پیز پر عمل کی بات کرتے ہیں وہ حقیقت سے بہت دور ہیں۔