آغا حسن کی طرف سے قندہار میں مسجد میں بم دھماکے کی شدید مذمت

جمعہ 15 اکتوبر 2021 22:10

سرینگر (اُردو پوائنٹ اخبارتازہ ترین - این این آئی۔ 15 اکتوبر2021ء) غیر قانونی طور پر بھارت کے زیر قبضہ جموں و کشمیر میں جموں و کشمیر انجمن شرعی شیعیان کے صدر آغا سید حسن الموسوی الصفوی نے افغانستان کے شہر قندہار میں ایک مسجد میں بم دھماکے کی شدید مذمت کی ہے۔

(جاری ہے)

کشمیر میڈیا سروس کے مطابق آغا سید حسن الموسوی الصفوی نے سرینگر میں جاری ایک بیان میں دھماکے میں جاں بحق ہونے والے نمازیوں کے اہل خانہ سے اظہار تعزیت کیا اور زخمیوں کی جلد صحت یابی کے لیے دعا کی۔انہوں نے افسوس کا اظہار کیا کہ افغانستان سے غیر ملکی افواج کے انخلاء کے بعد جنگ زدہ ملک میں کئی قوتوں کے درمیان ایک نیا سیاسی تنازعہ شروع ہو گیا ہے۔