Live Updates

عمران خان حکومت آئی ایم ایف کیلئے معیشت کو بدحال کر رہی ہے ، نیئر حسین بخاری

پٹرولیم مصنوعات نرخوں میں مزید اضافہ حکمرانوں کا عوام الناس پر خود کش حملہ ہے ،حکمران مت بھولیں انہیں عوام دشمنی بدترین مہنگائی سے مہنگی پڑے گی ، بیان

ہفتہ 16 اکتوبر 2021 13:04

عمران خان حکومت آئی ایم ایف کیلئے معیشت کو بدحال کر رہی ہے ، نیئر حسین ..
اسلام آباد(اُردو پوائنٹ اخبارتازہ ترین - این این آئی۔ 16 اکتوبر2021ء) سیکرٹری جنرل پیپلز پارٹی سید نیئر حسین بخاری نے کہاہے کہ عمران خان حکومت آئی ایم ایف کیلئے معیشت کو بدحال کر رہی ہے ۔ اپنے بیان میں انہوںنے کہاکہ وزیر خزانہ آئی ایم ایف ہیڈ کوارٹر سے کڑی شرائط کے حکمانے جاری کروا رہے ہیں ۔

(جاری ہے)

انہوںنے کہاکہ معیشت سرکاری خرچ پر پلنے والوں کی اچھی ہوئی ہے ،پٹرولیم مصنوعات نرخوں میں مزید اضافہ حکمرانوں کا عوام الناس پر خود کش حملہ ہے ،حکمران مت بھولیں انہیں عوام دشمنی بدترین مہنگائی سے مہنگی پڑے گی ۔

انہوںنے کہاکہ پٹرولیم مصنوعات اور یوٹیلٹی سٹورز اشیاء کی قیمتوں میں اصافہ واپس لیا جائے ۔ انہوںنے کہاکہ حکمران یوٹیلٹی سٹورز پر اشیاء ضروریہ کی قیمتوں میں اضافہ کرکے لوگوں سے زندہ رینے کا حق چھیننا چاہتے ہیں ۔ انہوںنے کہاکہ بے رحم حکمران مہنگائی کی چکی میں پسے غریبوں پر بجلی گیس پٹرول بم گرا رہے ہیں ۔ انہوںنے کہاکہ اشرافیہ کی سہولت کاری کرتے ہوئے پٹرولیم مصنوعات کی قیمتیں ملکی تاریخ کی بلند ترین سطح پر پہنچا دی گئی ہیں۔
Live مہنگائی کا طوفان سے متعلق تازہ ترین معلومات