ساہیوال،فسٹ ائیر کے طالبعلم کو تشددکر کے بر ہنہ حالت میں گھسیٹتے ہوئے ویڈیو فلم بنا لی گئی ،مقدمہ درج ،تین گرفتار

ہفتہ 16 اکتوبر 2021 21:23

ساہیوال(اُردو پوائنٹ اخبارتازہ ترین - این این آئی۔ 16 اکتوبر2021ء) کر بلا روڈ پر فسٹ ائر کے طالب علم محمد اسد الرحمن کو9مسلح افراد نے روک کر تشدد کر کے بر ہنہ کر دیا کپڑے پھاڑ کر سڑک پر گھسیٹا ،ویڈیو فلم بنائی اور نقدی 7ہزار روپے چھین کر فرار ہوگئے،تین ملزم گرفتارکرلئے گئے۔

(جاری ہے)

واقعات کے مطابق جا معہ فریددیہ روڈ کے تاجر محمد نواز کا بیٹا اسد الرحمن موٹر سائیکل پر دادو چوک سے خریداری کر کے واپس جا رہا تھا کہ9مسلح افراد اسامہ قیصر،سیفی ملک،عاصی بٹ،شانی ملک اور پانچ نا معلوم ملزموں نے روک لیا تشدد کیا کپڑے پھاڑ کر بر ہنہ کر کے سڑک پر بر ہنہ حالت میں گھسیٹتے ہوئے ویڈیو فلم بنائی اور نقدی بھی لے گئے۔

پولیس فتح شیر نے محمد اسد الرحمن کی کی مد عیت میں مقدمہ 355,382اور 294 ت پ درج کر کے تفتیش شروع کر دیا ور تین ملزموں اسد قیصر،سیفی ملک اور شانی ملک کو گرفتار کر لیا۔