کورونا ضوابط میں نرمی کے بعد حرم میں پہلی بار مکمل گنجائش کے ساتھ نماز جمعہ اداء

مسجد الحرام کے مزید 50دروزاے کھول دئیے گئے ، راہداریوں کی ہمہ وقت سینیٹائزنگ کی جا رہی ہے،انتظامیہ

جمعہ 22 اکتوبر 2021 15:21

کورونا ضوابط میں نرمی کے بعد حرم میں پہلی بار مکمل گنجائش کے ساتھ نماز ..

مکہ مکرمہ(اُردو پوائنٹ اخبارتازہ ترین - این این آئی۔ 22 اکتوبر2021ء) کورونا ایس او پیز میں نرمی کے بعد بڑی تعداد میں عمرہ زائرین نے تقریبا ایک سال بعدمکمل گنجائش کے ساتھ حرم شریف میں نماز جمعہ ادا کی،انتظامیہ کی جانب سے حرم مکہ آنے والوں کے لیے ماسک کا استعمال لازمی قرار دیا گیاتھا اور درجہ حرارت چیک کرنے والے تھرمل کیمرے بھی نصب کیے گئے تھے۔

حرم شریف آنے والوں کے لیے مختلف مقام پر 50 ہزار سے زائد آب زم زم کی بوتلوں کا خصوصی انتظام بھی کیا گیا ۔

(جاری ہے)

میڈیارپورٹس کے مطابق مکہ مکرمہ میں ایک سال سے زائد عرصے بعد پہلی نماز جمعہ مکمل گنجائش کے ساتھ ادا کی گئی ۔حرمین انتظامیہ کا کہنا تھا کہ مسجد الحرام کے مزید 50 دروزاے کھول دئیے گئے ، مسجد الحرام کے اندرونی صحنوں و ملحق راہداریوں کی ہمہ وقت سینیٹائزنگ کی جا رہی ہے اور 4 ہزار سے زائد مرد و خواتین کارکنوں کو تعینات کر دیا گیا ہے۔

انتظامیہ کی جانب سے حرم مکہ آنے والوں کے لیے ماسک کا استعمال لازمی قرار دیا گیاتھا اور درجہ حرارت چیک کرنے والے تھرمل کیمرے بھی نصب کیے گئے تھے۔حرم شریف آنے والوں کے لیے مختلف مقام پر 50 ہزار سے زائد آب زم زم کی بوتلوں کا خصوصی انتظام بھی کیا گیا ۔