سعودی حکومت نے سردار عبدالقیوم نیازی کو شاہی مہمان قرار دیدیا

سعودی عرب پاکستان کیساتھ ملکر کشمیری عوام کی امنگوں کے مطابق مسئلہ کشمیر کے پرامن حل میں اپنا کردار ادا کر سکتا ہے،وزیر اعظم آزاد کشمیر

ہفتہ 15 جنوری 2022 22:05

سعودی حکومت نے سردار عبدالقیوم نیازی کو شاہی مہمان قرار دیدیا

مظفرآباد/ سعودی عرب (اُردو پوائنٹ اخبارتازہ ترین - این این آئی۔ 15 جنوری2022ء) سعودی عرب کی حکومت نے وزیر اعظم آزاد کشمیر سردار عبدالقیوم نیازی کو شاہی مہمان قرار دے دیا۔ وزیر اعظم آزاد کشمیر سردار عبدالقیوم نیازی نجی دورے پر سعودی عرب میں موجود ہیں جہاں وہ کشمیری کمیونٹی سے ملاقاتیں بھی کر رہے ہیں۔

(جاری ہے)

سعودی عرب نے وزیر اعظم آزاد کشمیر سردار عبدالقیوم نیازی کو شاہی مہمان قرار دے دیا، سیاسی و سفارتی ماہرین کے مطابق وزیر اعظم آزاد کشمیر کو شاہی مہمان قرار دینا سعودی حکومت کی طرف سے کشمیریوں سے یکجہتی کا منہ بولتا ثبوت ہے۔

وزیر اعظم آزاد کشمیر سردار عبدالقیوم نیازی نے دورہ سعودی عرب کے دوران کشمیر کمیونٹی سے ملاقاتوں اور دیگر وفود سے بات کرتے ہوے کہا کہ پاکستان اور سعودی عرب کے مثالی تعلقات ہیں، سعودی عرب اسلامی دنیا میں اپنا منفرد مقام رکھتا ہے۔انہوں نے کہاکہ سعودی عرب پاکستان کیساتھ ملکر کشمیری عوام کی امنگوں کے مطابق مسئلہ کشمیر کے پرامن حل میں اپنا کردار ادا کر سکتا ہے۔