عوام کے مسائل کا حل تحریک انصاف کی حکومت کی اولین ترجیح ہے‘ظفر اقبال ملک

منگل 18 جنوری 2022 23:55

کوٹلی(اُردو پوائنٹ اخبارتازہ ترین - این این آئی۔ 18 جنوری2022ء) عوام کے مسائل کا حل تحریک انصاف کی حکومت کی اولین ترجیح ہے، صحت، تعلیم، آبادی پر کنٹرول سمیت دیگر تمام مسائل کے حل کے لئے حکومت آزاد کشمیر ٹھوس اقدامات کر رہی ہے۔

(جاری ہے)

ان خیالات کا اظہار آزاد کشمیر کے وزیر ہائیر ایجوکیشن ظفر اقبال ملک ضلعی آفیسران کو عوامی مسائل کے فوری حل کے حوالے سے ضروری ہدایات دیتے ہوئے کیا وزیر ہائیر ایجوکیشن نے مختلف دفاتر میں آنے والے افراد کے مسائل سنے اور ان کے جلد حل کے لئے یقین دہانی بھی کروائی اور متعلقہ آفیسران کو ضروری ہدایات بھی جاری کی۔

انہوں نے کہا کہ عوام کے مسائل کا فوری حل حکومت آزاد کشمیر کی ترجیحات میں شامل ہے ہم عوام کے بنیادی مسائل کا حل چاہتے ہیں تعلیم یافتی نوجوانوں کو میرٹ پر با عزت روز گار کی فراہمی یقینی بنائیں گئے انہوں نے کہا کہ عوام خوشحال ہو گی تو ہی خطہ خوشحال ہو گا اور آگے بڑھے گا۔