ایبٹ آبادکے سیاحتی مقامات پروقفے وقفے سے برفباری کاسلسلہ جاری

ایبٹ آباد(اردو پوائنٹ تازہ ترین اخبار ۔ 19 جنوری 2022ء) ایبٹ آباد کے سیاحتی مقامات گلیات،نتھیاگلی،ڈونگاگلی،چھانگلہ گلی،ایوبیہ اور ٹھنڈیانی میں برف باری کا سلسلہ وقفے وقفے سے جاری ہے،ضلعی پولیس، انتظامیہ اور ریسکیو اداروں کی طرف سے تمام تر ممکنہ صورت حال سے بروقت نمٹنے کے لیے تیاریاں مکمل کرلی گئیں، ڈی پی اوایبٹ آباد ظہور بابر آفریدی نے سرکل گلیات پولیس کو سیاحوں کی جان و مال کا تحفظ یقینی بنانے کے لیے تمام تر وسائل بروئے کار لانے کی ہدایات جبکہ سیاحوں کواحتیاطی تدابیر اختیار کرنے کی اپیل کی ہے،پولیس انتظامیہ کاکہناہے کہ اب تک کی صورت حال کے مطابق گلیات کے مختلف مقامات پر وقفے وقفے سے برف باری کا سلسلہ جاری ہے سیاحوں سے گزارش  ہے کہ ان علاقوں میں سفر کے دوران احتیاطی تدابیر اختیار کریں،سفرکے دوران گاڑی مکینکلی بالکل فٹ رکھیں، گاڑی کے ٹائر اچھی حالت میں ہونے چاہیں جبکہ ایمرجنسی کی صورت میں اضافی ٹائر بھی ہمراہ رکھیں، برف باری کے باعث سلپ سے بچنے کے لیے ٹائروں پر چین کا ہونا لازمی ہے، گاڑی میں فیول کی مقدار پوری رکھیں،ڈبل لائن نہ بنائیں،بریک کا استعمال کم کریں اور رفتار آہستہ رکھیں، کھانے، پینے کی اشیاء، پانی، خشک میوہ جات گرم کپڑے ہمراہ رکھیں، برف باری کی شدت یا لینڈ سلائیڈنگ کی صورت میں انتظامیہ کی طرف سے جاری شدہ ہدایات پر عمل در آمد یقینی بنائیں اورفوری طور قریبی محفوظ مقام پر منتقل ہو کر فراہم کردہ ایمرجنسی نمبرات پر بروقت رابطہ کریں،رات کے وقت سفر سے گرہیز کریں اورکسی بھی ایمرجنسی کی صورت میں پولیس کنٹرول روم 09929310033 پر رابطہ کریں۔