مظفرآباد کے اندر کرونا کے کیسز میں ایک مرتبہ پھر اضافہ دیکھنے میں آ رہا ہے جو تشویشناک ہے،ڈپٹی کمشنر

اگر ہم سب نے مل کر احتیاطی تدابیر پر عملدرآمد نہ کیا تو صورتحال مزید خطرناک ہو سکتی ہے،ندیم احمد جنجوعہ کا اجلاس سے خطاب

ہفتہ 22 جنوری 2022 22:31

مظفرآباد(اُردو پوائنٹ اخبارتازہ ترین - این این آئی۔ 22 جنوری2022ء) ڈپٹی کمشنر ندیم احمد جنجوعہ کی زیر صدارت کرونا SOPsپر عملدرآمد کے حوالہ سے ہوٹل مالکان ، میرج ہال مالکان اور ٹرانسپورٹرزکا اجلاس ہفتہ کے روز منعقد ہوا۔ اجلاس میں ایس ایس پی مظفرآباد سردار یاسین بیگ، اسسٹنٹ کمشنر عبدالقادر ،ڈسٹرکٹ ہیلتھ آفیسر ڈاکٹر سعید اعوان اور دیگر حکام نے شرکت کی۔

اجلاس میں میرج ہال مالکان،ہوٹل مالکان اور ٹرانسپورٹرز نے حکوم کی جان سے جاری کردہ کروناSOP,sپر عملدرآمدکرنے کی یقین دھانی کروائی۔

(جاری ہے)

اس موقع پر گفتگو کرتے ہوے ڈپٹی کمشنر مظفرآباد ندیم احمد جنجوعہ نے کہا کہ کرونا وائرس کی اس نی لہر پر قابو پانے کے لیے تمام ہوٹل مالکان، میرج ہال مالکان اور ٹرانسپوٹرز اپنی سماجی ذمہ داری کا احساس کرتے ہویپولیس اور انتظامیہ کے ساتھ تعاون کریں تاکہ اس کی پھیلائو کو روکا جا سکے۔

مظفرآباد کے اندر کرونا کے کیسز میں ایک مرتبہ پھر اضافہ دیکھنے میں آ رہا ہے جو تشویشناک ہے۔ اگر ہم سب نے مل کر احتیاطی تدابیر پر عملدرآمد نہ کیا تو صورتحال مزید خطرناک ہو سکتی ہے۔ انہوں نے عوام سے بھی اپیل کی کہ وہ احتیاطی تدابیر پر عملدرآمد کو یقینی بنائیں۔