پاکستان کورونا مریضوں کے حوالے سے مرتب کی گئی فہرست میں 42 ویں نمبر پر آگیا

یا ، کیسز کی شرح 13 فیصد تک جا پہنچی، چوبیس گھنٹوں میں مزید 20مریض چل بسے ،7586نئے کیسز رپورٹ

اتوار 23 جنوری 2022 15:00

اسلام آباد (اُردو پوائنٹ اخبارتازہ ترین - این این آئی۔ 23 جنوری2022ء) پاکستان کورونا مریضوں کے حوالے سے مرتب کی گئی فہرست میں 42 ویں نمبر پر آگیا ، کیسز کی شرح 13 فیصد تک جا پہنچی، چوبیس گھنٹوں میں مزید 20مریض چل بسے ،7586نئے کیسز رپورٹ ہوئے ۔نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 7 ہزار 586 کیسز سامنے آئے ہیں، مزید 20 مریض اس موذی وباء کے سامنے زندگی کی بازی ہار گئے، اس کے مزید 647 مریض شفایاب ہو گئے، مثبت کیسز کی شرح 13 فیصد ریکارڈ کی گئی۔

پاکستان بھر میں اب تک 29 ہزار 97 کورونا وائرس کے مریض انتقال کر چکے ہیں جبکہ اس موذی وائرس کے کٴْل مریضوں کی تعداد 13 لاکھ 67 ہزار 605 ہو چکی ہے۔

(جاری ہے)

ملک بھر میں ہسپتالوں، قرنطینہ سینٹرز، وینٹی لیٹرز اور گھروں میں کورونا وائرس کے 70 ہزار 263 زیرِ علاج مریضوں میں سے 1 ہزار 83 کی حالت تشویش ناک ہے، جبکہ 12 لاکھ 68 ہزار 245 مریض اب تک اس بیماری سے شفایاب ہو چکے ہیں۔

گزشتہ 24 گھنٹوں میں ملک میں کورونا وائرس کے مزید 58 ہزار 334 ٹیسٹ کیئے گئے، جبکہ اب تک کٴْل 2 کروڑ 45 لاکھ 32 ہزار 952 کورونا ٹیسٹ کیئے جا چکے ہیں۔پاکستان بھر میں اب تک کٴْل 17 کروڑ 7 لاکھ 11 ہزار 868 کورونا ویکسین کی خوراکیں دی جا چکی ہیں جبکہ 7 کروڑ 88 لاکھ 60 ہزار 543 افراد کی مکمل ویکسینیشن ہو چکی ہے۔سندھ میں کورونا وائرس کے مریضوں کی تعداد دیگر صوبوں سے زیادہ 5 لاکھ 23 ہزار 774 ہو چکی ہے، جبکہ اس سے کٴْل اموات 7 ہزار 738 ہو گئیں۔

پنجاب میں کورونا وائرس کے اب تک 4 لاکھ 62 ہزار 323 مریض پورٹ ہوئے ہیں، یہاں کٴْل ہلاکتیں دیگر صوبوں سے زیادہ ہیں جو 13 ہزار 105 ہو چکی ہیں۔خیبر پختون خوا میں کورونا وائرس کے مریضوں کی تعداد 1 لاکھ 84 ہزار 455 ہو چکی ہے، جبکہ اس سے یہاں کٴْل اموات 5 ہزار 974 ہو گئیں۔وفاقی دارالحکومت اسلام آباد میں 1 لاکھ 17 ہزار 436 کورونا وائرس سے متاثرہ مریض اب تک سامنے آئے ہیں، جبکہ اب تک یہاں کٴْل 976 افراد اس وباء سے جان کی بازی ہار چکے ہیں۔

آزاد جموں و کشمیر میں کورونا وائرس کے اب تک 35 ہزار 218 مریض رپورٹ ہوئے ہیں، جبکہ اس کے باعث اب تک یہاں کٴْل 750 مریض وفات پا چکے ہیں۔کورونا وائرس کے بلوچستان میں 33 ہزار 910 مریض اب تک رپورٹ ہوئے ہیں جہاں 367 افراد اس مرض سے انتقال کر چکے ہیں۔گِلگت بلتستان میں 10 ہزار 489 کورونا وائرس کے مریض سامنے آئے ہیں ،اس سے اب تک 187 افراد جاں بحق ہوئے ہیں۔