جمائما کا اپنی فلم کے خصوصی شو کی آمدنی پاکستانی سیلاب زدگان دینے کا اعلان

جمعہ 2 ستمبر 2022 20:28

لندن(اُردو پوائنٹ اخبارتازہ ترین - این این آئی۔ 02 ستمبر2022ء) چیئرمین پی ٹی آئی عمران خان کی سابق اہلیہ جمائما گولڈ اسمتھ نے اپنی فلم کے خصوصی شو کی آمدنی پاکستان کے سیلاب زدگان کو دینے کا اعلان کردیا۔

(جاری ہے)

جمائما گولڈ اسمتھ نے ٹوئٹر پر پیغام میں کہا کہ وہ اپنی آنیوالی فلم ‘واٹس لو گاٹ ٹو ڈو ود اٹ‘ کے خصوصی شو کا اہتمام کررہی ہیں ۔جمائما نے کہا کہ ہ فلم کی ریلیز سے قبل خصوصی شو کا مقصد پاکستان کے سیلاب زدگان کی مدد کرنا ہے۔ اس خصوصی شو کی آمدنی پاکستان کے سیلاب متاثرین کیلئے دی جائیگی۔سابق وزیراعظم بینظیر بھٹو کی بھتیجی فاطمہ بھٹو فلم کی خصوصی سکریننگ میں جمائما گولڈ اسمتھ کیساتھ کو ہوسٹ ہوں گی۔