سب سے زیادہ شرح پی پی 209 خانیوال میں 53 اعشاریہ 32 فیصد رہی، الیکشن کمیشن

پیر 17 اکتوبر 2022 22:55

اسلام آباد (اُردو پوائنٹ اخبارتازہ ترین - این این آئی۔ 17 اکتوبر2022ء) الیکشن کمیشن نے گزشتہ روز کے ضمنی انتخابات میں ڈالے گئے ووٹوں کی شرح کے اعداد شیئر کر دئیے جس کے مطابق سب سے زیادہ شرح پی پی 209 خانیوال میں 53 اعشاریہ 32 فیصد رہی۔

(جاری ہے)

ترجمان الیکشن کمیشن کے مطابق این اے 239 کورنگی میں سب سے کم 14 اعشاریہ 88 فیصد شرح رہی، پی پی 241 بہاولنگر میں 48 اعشاریہ 83 ، پی پی 139 شیخوپورہ میں 41 اعشاریہ 86 فیصد شرح رہی۔

الیکشن کمیشن کے مطابق این اے 147 ملتان میں ضمنی الیکشن میں شرح 44 اعشاریہ 82 فیصد رہی، این اے 22 مردان میں 32 اعشاریہ 94 ، این اے 24 چارسدہ میں 29 اعشاریہ 02 فیصد شرح رہی۔الیکشن کمیشن کے مطابق این اے 31 پشاور 20 اعشاریہ 28 اور این اے 108 فیصل میں ووٹوں کی شرح 36 اعشاریہ 49 فیصد رہی، این اے 118 ننکانہ میں 44 اعشاریہ 01 جبکہ این اے 237 ملیر میں 20 اعشاریہ 33 فیصد شرح رہی۔