Live Updates

پاکستان آبادی کے اعتبار سے موسمی تغیرات سے متاثر ہونے والا سب بڑا ملک ہے.رضوان سعید شیخ

ماحولیاتی تبدیلی ترقیاتی عمل اور ترقیاتی پھیلا ﺅکی راہ میں بڑی رکاوٹ ہے،امریکا میں مقیم پاکستانی کمیونٹی سیلاب زدگان علاقوں اور متاثرہ خاندانوں کو ریلیف کی فراہمی میں بڑھ چڑھ کر حصہ لے.امریکہ میں پاکستانی سفیر کا خطاب

میاں محمد ندیم بدھ 3 ستمبر 2025 14:04

پاکستان آبادی کے اعتبار سے موسمی تغیرات سے متاثر ہونے والا سب بڑا ملک ..

واشنگٹن (اردوپوائنٹ اخبارتازہ ترین-انٹرنیشنل پریس ایجنسی۔03 ستمبر ۔2025 )امریکا میں پاکستان کے سفیر رضوان سعید شیخ نے کہا ہے کہ پاکستان آبادی کے اعتبار سے موسمی تغیرات سے متاثر ہونے والا سب بڑا ملک ہے انہوں نے یہ بات اسلامک سرکل آف نارتھ امریکا کے زیر اہتمام منعقدہ ایک تقریب سے خطاب میں کہی .

(جاری ہے)

رضوان سعید شیخ نے امریکا میں مقیم پاکستانی کمیونٹی سے سیلاب زدگان علاقوں اور متاثرہ خاندانوں کو ریلیف کی فراہمی میں بڑھ چڑھ کر حصہ ڈالنے کی پرزور اپیل کرتے ہوئے کہا کہ مشکل کی ہر گھڑی میں پاکستانی کمیونٹی اور مخیر حضرات نے فلاحی سرگرمیوں میں قابلِ تحسین کردار ادا کیا ہے .

انہوں نے کہا کہ ماحولیاتی تبدیلی پاکستان کے ترقیاتی عمل اور ترقیاتی پھیلا ﺅکی راہ میں بڑی رکاوٹ بن کر ابھری ہے، موسمیاتی تبدیلی کے باعث ہونے والے نقصانات کی شدت پہلے کے مقابلے میں کہیں زیادہ ہے تقریب کے دوران اسلامک سرکل آف نارتھ امریکا نے سیلاب زدگان کےلئے ڈیڑھ ارب روپے کے عطیات دینے کا اعلان کیا