گومل یونیورسٹی میں طلبہ تنظیم کے زیر اہتمام '' 37ویں گومل ایجوکیشنل ایکسپو ''کا انعقاد

جمعہ 9 دسمبر 2022 21:31

ڈیرہ اسماعیل خان (اُردو پوائنٹ اخبارتازہ ترین - اے پی پی۔ 09 دسمبر2022ء) اسلامی جمعیت طلبہ کے زیر اہتمام آڈیٹوریم ہال گومل یونیورسٹی ڈیرہ اسماعیل خان میں'' 37ویں گومل ایجوکیشنل ایکسپو ''کا انعقاد کیا گیا۔ پروگرام کے مہمان خصوصی ناظم اعلیٰ اسلامی جمعیت طلبہ پاکستان شکیل احمد تھے۔

(جاری ہے)

''گومل ایجوکیشنل ایکسپو'' کا مقصد گومل یونیورسٹی کے تمام شعبہ جات کے پوزیشن ہولڈرز طلباء میں نقد رقوم کے چیک اور شیلڈز تقسیم کر کے انکی حوصلہ افزائی کرنا تھا۔

اس موقع پر تحصیل میئر درابن احسان اللہ میانخیل ،ڈالخدمت فائونڈیشن پاکستان کے نائب صدرا ڈاکٹر مشتاق مانگھٹ، ناظم اسلامی جمعیت طلبہ ڈیرہ اسماعیل خان بلال احمد، یوسف خٹک، الخدمت فاؤنڈیشن کے ضلعی صدرمنظر مسعود خٹک، ڈاکٹر اصغر بلوچ اور الخدمت فاؤنڈیشن سے تعلق رکھنے والے رضاکاروں کی ایک بڑی تعداد موجود تھی۔\378