محمد رضوان کے ہاں تیسری بیٹی کی پیدائش

پی ایس ایل فرنچائز ملتان سلطانز کے ٹوئٹر اکاؤنٹ سے کپتان محمد رضوان کو ان کی فیملی میں ایک نئے اضافے پر مبارکباد دی گئی

ذیشان مہتاب جمعہ 27 جنوری 2023 14:19

لاہور (اردو پوائنٹ تازہ ترین اخبار ۔ 27 جنوری 2023ء ) قومی ٹیم کے وکٹ کیپر بیٹر محمد رضوان کے ہاں تیسری بیٹی کی پیدائش ہوئی ہے۔ ٹوئٹر پر پی ایس ایل 8 کی فرنچائز ملتان سلطانز نے رضوان کی جرسی جیسی چھوٹی جرسی کی تصویر شیئر کرتے ہوئے ان کے ہاں بیٹی کی پیدائش کی اطلاع دی اور اپنے کپتان کو مبارکباد پیش کی۔ فرنچائز کے ٹوئٹر اکاؤنٹ سے کی گئی ٹوئٹ میں ملتان سلطانز کے کپتان محمد رضوان کو ان کی فیملی میں ایک نئے اضافے پر مبارکباد دی گئی ہے۔

(جاری ہے)

Congratulations to our Kaptaan on the newest addition to his family! #SultanSquad #LetsPlaySaeen @iMRizwanPak pic.twitter.com/flaDNiHCmI
— Multan Sultans (@MultanSultans) January 26, 2023

دوسری جانب سے اسپورٹس منیجر طلحہ نے میڈیا سے گفتگو کے دوران تصدیق کی رضوان کے ہاں تیسری بیٹی کی پیدائش ہوئی ہے۔ وکٹ کیپر بیٹسمین محمد رضوان کے ہاں بیٹی کی پیدائش پر ان کے مداحوں کی جانب سے بھی ٹیسٹ کرکٹر کو مبارک باد دی جارہی ہے۔