ضمنی الیکشن، پنجاب سے پیپلز پارٹی کے 7 امیدواروں کے نام سامنے آگئے

لاہور میں امجد جٹ، خوشاب میں ملک علی اعوان، میانوالی میں عبدالعزیز خان، فیصل آباد میں نجف وڑائچ، گجرات سے قمر زمان کائرہ

جمعرات 9 فروری 2023 22:55

لاہور(اُردو پوائنٹ اخبارتازہ ترین - این این آئی۔ 09 فروری2023ء) پیپلز پارٹی وسطی پنجاب نے قومی اسمبلی کے ضمنی الیکشن کیلئے 7امیدواروں کی دوسری لسٹ جاری کر دی۔پیپلز پارٹی وسطی پنجاب کے قائم مقام صدر رانا فاروق سعید کی جانب سی7امیدواروں کے ناموں کی سفارشات پارٹی کے صدر آصف علی زرداری کو بھجوائی گئیں۔

(جاری ہے)

این اے 135 لاہور میں امجد جٹ، این اے 93خوشاب میں ملک علی اعوان، این اے 96میانوالی میں عبدالعزیز خان، این اے 109فیصل آباد میں نجف وڑائچ، این اے 70گجرات سے قمر زمان کائرہ کو ٹکٹ دینے کی سفارش کی گئی۔

این اے 107فیصل آباد سے ارشد جٹ، راولپنڈی سے زمرد خان کو ٹکٹ دینے کی سفارش کی گئی ہے، این اے 87حافظ آباد سے تاحال کسی کا نام فائنل نہیں ہوسکا، پارٹی ٹکٹ دینے کا حتمی فیصلہ آصف علی زرداری کریں گے۔