ضمنی انتخابات میں صوبہ پنجاب کے 15 قومی اسمبلی کے حلقوں میں کل 186 امیدواروں نے کاغذات نامزدگی جمع

جمعہ 10 فروری 2023 21:40

اسلام آباد (اُردو پوائنٹ اخبارتازہ ترین - این این آئی۔ 10 فروری2023ء) 16 مارچ کو ہونے والے ضمنی انتخابات میں صوبہ پنجاب کے 15 قومی اسمبلی کے حلقوں میں کل 186 امیدواروں نے کاغذات نامزدگی جمع کرا دیئے،الیکشن کمیشن کے جاری کردہ شیڈول کے مطابق 8 فروری کو کاغذات نامزدگی جمع کرانے کی آخری تاریخ تھی۔

(جاری ہے)

تفصیلات کے مطابق اے 52اسلام آباد میں 13، این اے 53 میں 15 ،این اے 54 میں 15 امیدواروں نے کاغذات نامزدگی جمع کرائے، راولپنڈی کے 5قومی اسمبلی حلقوں میں کل 69 امیدواروں نے کاغذات نامزدگی جمع کرائے، جہلم کے حلقہ این اے 67میں 10 کاغذات نامزدگی جبکہ ضلع بھکر میں 8 کاغذات نامزدگی جمع ہوئے، لاہور کے 2حلقوں میں امیدواروں نے کاغذات نامزدگی جمع کرائے، ملتان کے 2قومی اسمبلی حلقوں میں امیدواروں نے کاغذات نامزدگی جمع کرائے جبکہ ڈیرہ غازی خان کے حلقہ این اے 191 میں 16 امیدواران نے کاغذات نامزدگی جمع کرائے، کاغذات نامزدگی کی جانچ پڑتال 13فروری تک مکمل کی جائے گی۔