فخر زمان پی ایس ایل میں چھکوں کی سنچری کرنے والے پہلے کھلاڑی بن گئے

اوپنر نے پی ایس ایل 8 فائنل میں اپنا پہلا چھکا لگا کر 100 چھکے مکمل کیے، کامران اکمل نے 89، آصف علی نے 88 ، شین واٹسن نے 81 اور شعیب ملک نے 77 چھکے لگائے

Zeeshan Mehtab ذیشان مہتاب ہفتہ 18 مارچ 2023 21:23

فخر زمان پی ایس ایل میں چھکوں کی سنچری کرنے والے پہلے کھلاڑی بن گئے
لاہور (اردو پوائنٹ تازہ ترین اخبار ۔ 18 مارچ 2023ء ) لاہور قلندرز کے بیٹر فخر زمان نے پاکستان سپر لیگ (پی ایس ایل) میں اہم سنگ میل عبور کرلیا۔ فخر زمان کے پی ایس ایل میں 100 چھکے مکمل ہوگئے اور وہ پی ایس ایل میں چھکوں کی سنچری کرنے والے پہلے کھلاڑی بن گئے۔

(جاری ہے)

فخر زمان نے پی ایس ایل 8 کے فائنل میں اپنا پہلا چھکا لگا کر لیگ میں 100 چھکے مکمل کیے۔ پی ایس ایل میں کامران اکمل نے 89، آصف علی نے 88 ، شین واٹسن نے 81 اور شعیب ملک نے 77 چھکے لگائے۔