Live Updates

داماد اور سسر نے آگے پیچھے 2 الگ لیگز میں ٹائٹل جیت لیے

شاہد آفریدی نے دوبارہ لیگ کا حصہ بننے کی خواہش بھی ظاہر کردی

ذیشان مہتاب منگل 21 مارچ 2023 11:37

داماد اور سسر نے آگے پیچھے 2 الگ لیگز میں ٹائٹل جیت لیے

لاہور (اردو پوائنٹ تازہ ترین اخبار ۔ 21 مارچ 2023ء ) پاکستان سپر لیگ (پی ایس ایل) میں شاہین آفریدی کے بعد قومی کرکٹ ٹیم کے سابق کپتان و چیف سلیکٹر شاہد آفریدی نے بھی ٹائٹل اپنے نام کرلیا۔ سماجی رابطے کی سائٹ ٹوئٹر پر لیجنڈز لیگ کا ٹائٹل اپنے نام کرنے کے بعد شاہد آفریدی نے ٹوئٹ کرتے ہوئے ٹورنامنٹ کی انتظامیہ اور سرکاری عہدیداروں کا شکریہ ادا کیا اور دوبارہ لیگ کا حصہ بننے کی خواہش بھی ظاہر کی۔

(جاری ہے)

قبل ازیں شاہین آفریدی نے 18 مارچ کو پی ایس ایل کا ٹائٹل جیتنے کے بعد ٹوئٹر پر ٹرافی کے ہمراہ تصویر شیئر کی تھی۔

واضح رہے کہ لیجنڈز لیگ کے فائنل سے قبل شاہد آفریدی کا کہنا تھا کہ شاہین نے ٹائٹل جیت کر ہمیں چیلنج دیا ہے، میرے پاس بھی پرانی بندوقیں موجود ہیں، فائنل جیتنے کی کوشش کریں گے۔