پاکستان کو قرضوں اور سود کی ادائیگی کیلئے 3 ارب ڈالرز درکار

پاکستانی حکام کی چین کی جانب سے 2 ارب ڈالرز سیف ڈپازٹ میں ملنے کی تصدیق

جمعرات 23 مارچ 2023 22:06

پاکستان کو قرضوں اور سود کی ادائیگی کیلئے 3 ارب ڈالرز درکار

اسلام آباد(اُردو پوائنٹ اخبارتازہ ترین - آن لائن۔ 23 مارچ2023ء) اسٹیٹ بینک کے تحت گھٹتے ہوئے زرمبادلہ ذخائر کے عین درمیان ملک کے بیرونی قرضوں اور ان پر سود کی ادائیگی کے لیے رواں مالی سال کی آخری سہ ماہی (اپریل تا جون)تین ارب ڈالرز درکار ہوں گے۔پاکستانی حکام نے چین کی جانب سے 2 ارب ڈالرز سیف ڈپازٹ میں ملنے کی تصدیق کردی ہے۔

(جاری ہے)

گزشتہ 10مارچ تک پاکستان کے زرمبادلہ کا حجم 4 ارب 30کروڑ ڈالرز تھا، آئی ایم ایف اگر پاکستان کو قرضے کی قسط ادا کرنے میں لیت ولعل سے کام لیتا رہا تو مالی انتظام کے لیے پلان بی مرتب کرنا ہوگا۔

وزارت خزانہ کے ایک اعلی افسر نے بتایا کہ اگر پلان اے نے کام نہ کیا تو پلان بی مرتب کیا جائے گا۔دستیاب تفصیلات کے مطابق پاکستان کو قرضوں اور سود کی مد میں ادائیگی کے لیے اپریل 2023 میں31 کروڑ 60 لاکھ ڈالرز ادا کرنے ہیں۔