Live Updates

ں*عمران خان اینٹی پاکستان طاقتوں کے مہرے کے طور پر استعمال ہورہا ہے،خواجہ سعدرفیق

×پی ٹی آئی نے اپنے چار سالہ دور اقتدار میں پاکستان کی معاشی بنیادی ہلاکررکھ دیں، ملکی سالمیت کو شدید خطرات لاحق ہوگئے Mدشمنوں کے ہاتھوں میں کھیلنے والے کو کپتانی واپس نہیں ملے گی ، سلیکٹڈ کا جھٹکا ہوا تو الیکٹڈ کی یاد آئی ، چیخنا ،چلانا،قلابازیاں لگانا کچھ کام نہیں آئے گا،وفاقی وزیر

اتوار 26 مارچ 2023 18:50

ں*عمران خان اینٹی پاکستان طاقتوں کے مہرے کے طور پر استعمال ہورہا ہے،خواجہ ..

ف*لاہور(اُردو پوائنٹ اخبارتازہ ترین - آن لائن۔ 26 مارچ2023ء) وفاقی وزیر ورہنما مسلم لیگ ن خواجہ سعد رفیق نے کہا ہے کہ عمران خان اینٹی پاکستان طاقتوں کے مہرے کے طور پر استعمال ہورہا ہے، دشمنوں کے ہاتھوں میں کھیلنے والے کو کپتانی واپس نہیں ملے گی۔ خواجہ سعد رفیق نے سماجی رابطے کی ویب سائٹ ٹوئٹر پر ایک بیان میں کہا ہے کہ شخصی اقتدار کیلئے باولا عمران پاکستانیوں کو ابدی غلامی کی زنجیریں پہنانا چاہتا ہے، پاکستان میں گمراہی اور نفرت پھیلانے کیلئے فارن فنڈنگ کے بل پر زہریلا پروپیگنڈا پھیلایا گیا۔

خواجہ سعد رفیق نے مرحلہ وار ٹوئیٹس میں کہا کہ عمران حکومت نے اپنی نالائقی سے پاکستانیوں کو غیر ملکی قرضوں کے ریکارڈ بوجھ تلے دبا دیا، اسٹیبلشمنٹ کا سابقہ منظورِ نظر عمران نیازی اب اینٹی پاکستان طاقتوں کے مہرے کے طور پر استعمال ہورہا ہے۔

(جاری ہے)

مسلم لیگ ن رہنما کا کہنا تھا کہ پی ٹی آئی کی خفیہ فارن فنڈنگ پاکستان کے قومی مفادات کے خلاف استعمال کی جارہی ہے، اقتدار کیلئے فاشسٹ عمران شیاطین سے بھی اتحاد کرلیتا ہے، 2018میں آئین ،جمہوریت اور عوامی امنگوں کو کچل کر عمرانی حکومت مسلط نہ کی جاتی تو پاکستان دنیا کی ابھرتی معیشت بن گیا ہوتا۔

خواجہ سعد رفیق نے چیئرمین پی ٹی آئی پر مزید تنقید کرتے ہوئے کہا کہ تمھاری 4سالہ حکمرانی نے پاکستان کی معاشی بنیادیں ہلادیں ، ملکی سالمیت کو شدید خطرات لاحق ہوگئے، سلیکٹڈ کا جھٹکا ہوا تو الیکٹڈ کی یاد آئی ، چیخنا ،چلانا،قلابازیاں لگانا کچھ کام نہیں آئے گا۔ان کاکہنا تھا کہ ظلم ،جھوٹ،سازش اور لوٹ مار کا حساب دیے بغیر جان نہیں چھوٹے گی، فارن فنڈڈ فتنے کا راستہ روکا جائے گا۔