ایک ہفتے کے دوران 11 ہزار غیرملکیوں کو گرفتار کر لیا ، سعودی وزارت داخلہ

اتوار 7 مئی 2023 18:15

ﷺریاض (اُردو پوائنٹ اخبارتازہ ترین - آن لائن۔ 07 مئی2023ء) سعودی وزارت داخلہ کا کہنا ہے کہ گزشتہ ایک ہفتے میں اقامہ وسرحدی قوانین کی خلاف ورزی پرملک بھر کے مختلف علاقوں سے 11 ہزار سیزیادہ غیرملکیوں کو گرفتار کر لیا گیاہے۔

(جاری ہے)

سعودی خبررساں ادارے کے مطابق وزارت داخلہ کی جانب سے جاری بیان میں کہا گیا ہے کہ ملک بھر کے مختلف علاقوں میں جاری کارروائی کے دوران 27 اپریل سے 3 مئی 2023 تک 11 ہزار 77 غیرملکیوں کوتفتیشی ٹیموں نے حراست میں لیا گیا ہے۔

انہوں نے کہا کہ گرفتار ہونے والوں میں 5 ہزار 845 اقامہ قوانین کی خلاف ورزی ،4 ہزار 25 کو سرحدی ضوابط کی خلاف ورزی اور12 سو 7 غیرملکیوں کو قانون محنت کی خلاف ورزی پرحراست میں لیا گیا ہے۔ وزارت نے کہا کہ تفتیشی ٹیموں نے غیرقانونی افراد کو پناہ، روزگار اورقیام کی سہولتیں فراہم کرنے پر19 افراد کو حراست میں لیا جن کے خلاف مقدمہ قائم کرکے انہیں متعلقہ ادارے کے حوالے کردیا گیا ہے