گوجرانوالہ، فرح گوگی اور احسن گجر کے خلاف غیرقانونی تعمیرات پر مقدمہ درج

جی ڈی اے میونسپل کار پوریشن کا پولیس کے ہمراہ رات گئے گرینڈ آپریشن

اتوار 28 مئی 2023 19:40

گوجرانوالہ(اُردو پوائنٹ اخبارتازہ ترین - این این آئی۔ 28 مئی2023ء) سابق وزیراعظم عمران خان کی اہلیہ بشریٰ بی بی کی قریبی دوست فرح گوگی کے خلاف گوجرانوالہ میں مقدمہ درج کرلیا گیا۔گوجرانوالہ میں فرح گوگی اور ان کے شوہر کے خلاف غیرقانونی تعمیرات کے مقدمے کے بعد جی ڈی اے کی جانب سے رات بھر فرح گوگی کی ہاؤسنگ سوسائٹی میں آپریشن کیا گیا۔جی ڈی اے میونسپل کار پوریشن نے پولیس کے ہمراہ رات گئے گرینڈ آپریشن میں حصہ لیا۔

(جاری ہے)

گوجرانوالہ میں فرخ گوگی اور احسن گجر کیخلاف غیرقانونی تعمیرات پرمقدمہ درج کرلیا گیا ہے۔سوسائٹی کی غیرقانونی سڑکیں اوردفاتر مکمل طور پر سیل کردئیے۔مقدمہ محکمہ جی ڈی اے کے ڈپٹی ڈائریکٹرانفورسمنٹ کی مدعیت میں درج کیا گیا،مقدمہ ایک ہاوسنگ سوسائٹی میں منظور شدہ نقشے کی خلاف ورزی پر درج کیا گیاایف آئی آرکے مطابق ہاوسنگ سوسائٹی کے پبلک پارک کی جگہ غیرقانونی قبرستان بنا دیا گیا،پارک اورکمرشل ایریا کا نقشہ تبدیل کر کے رہائشی پلاٹ بنائے گئے،سرکاری رہن شدہ پلاٹوں پر بھی غیر قانونی تعمیرات کرائی گئیں۔