یاسین ملک کو کچھ ہوا تو ذمہ داری مودی پر ہوگی،مشعال ملک

یاسین ملک پر بھارت نے بدترین تشدد کیا ہے، انہیں عدالتوں میں پیش نہیں کیا جاتا،اہلیہ یاسین ملک

اتوار 28 مئی 2023 22:15

لاہور(اُردو پوائنٹ اخبارتازہ ترین - این این آئی۔ 28 مئی2023ء) کشمیری حریت رہنماء یاسین ملک کی اہلیہ مشعال ملک نے کہا ہے کہ یاسین ملک جب بھوک ہڑتال پر گئے تو میں نے مودی کو خط لکھا تھا کہ اگر ان کو کچھ ہوا تو ذمہ دار آپ ہوں گے۔

(جاری ہے)

پریس کلب میں میڈیا سے گفتگو کرتے ہوئے مشعال ملک نے کہاکہ یاسین ملک پر بھارت نے بدترین تشدد کیا ہے، انہیں عدالتوں میں پیش نہیں کیا جاتا، جو بھی ان کا وکیل ہوتا ہے اس کو خوفزدہ کرنے کی کوشش کی جاتی ہے۔انہوں نے بتایاکہ یاسین ملک نے کہا ہے کہ میں اپنے کیس کا خود ہی وکیل بن جاتا ہوں۔مشعال ملک نے کہاکہ سید علی گیلانی،مقبول بٹ سمیت دیگر رہنمائوں کے ساتھ جو کیا گیا وہ سب نے دیکھا، یاسین ملک نے اپنی زندگی، ساری خوشیاں وطن کی مٹی پر قربان کی ہیں۔