ض* آسٹریلیا، انگلینڈ بورڈز نے بھی آئی سی سی کے مالیاتی ماڈل پر سوال اٹھادیا

ہفتہ 3 جون 2023 18:10

ص*لندن(اُردو پوائنٹ اخبارتازہ ترین - آن لائن۔ 03 جون2023ء) انگلینڈ اور آسٹریلیا کرکٹ بورڈز نے بھی انٹرنیشنل کرکٹ کونسل ( آئی سی سی) کے مجوہ مالیاتی ماڈل پر تحفظات کا اظہار کرتے ہوئے سوال اٹھا دیا ہے ۔

(جاری ہے)

میڈیارپورٹ کے مطابق نئے آئی سی سی فنانشل ماڈل سے بھارتی کرکٹ بورڈ کو ممکنہ طور پر 38.50 فیصد رقم 231 ملین ڈالر ملے گی،اس کے بعد دوسرا نمبر انگلینڈ کا 6.89 فیصد کے حساب سے 41.33 ملین ڈالر ہے،کرکٹ ا?سٹریلیا کے حصے میں 6.25 فیصد شیئر کے لحاظ سے 37.53 ملین ڈالر آ?نے ہیں جبکہ پاکستان کو آئی سی سی کی متوقع آمدنی کا 5.75 فیصد دیا جانا تھا۔

بھارت نے انگلینڈ اور آسٹریلیا کے بورڈز کے ساتھ ملکر سال 2014 میں بگ تھری کا فارمولہ بنایا تھا جو بری طرح ناکام ثابت ہوا، اس منصوبے کا مقصد زیادہ سے زیادہ کمائی حاصل کرنا تھا تاہم اب بھارتی بورڈز ا?سٹریلیا اور انگلینڈ کو پیچھے چھوڑتے ہوئے اکیلا حکمرانی کرنا چاہتا ہے۔ بی سی سی آئی نے انڈین پریمیئر لیگ (آئی پی ایل) کو بڑھا کر اپنی جڑیں مضبوط کرلی ہیں جبکہ اسکے علاوہ انکی فرنچائزرز نے دنیا کی مختلف لیگز میں اپنے ٹیمیں خرید رکھیں ہیں، جس میں کھلاڑیوں کو کروڑوں روپے دیے جاتے ہیں۔