بلوچستان میں 31 اگست کو بطور یوم نجات منائیں گے ،مولانا ہدایت الرحمن

جمعہ 21 جولائی 2023 22:46

گوادر (اُردو پوائنٹ اخبارتازہ ترین - این این آئی۔ 21 جولائی2023ء) بلوچستان میں 31 اگست کو بطور یوم نجات منائیں گے ،31 اگست وہ دن ہوگا کہ اسمبلیاں تحلیل کی جائینگی اور اس دن کو بکوچستان کے عوام ایک نشہی حکمران اور اس کی نااہل کمپنی سے نجات پائیں گے، چالیس سالوں کے ووٹ بٹورنے کے عوض کلانچ کے عوام کو پینے کے پانی کے بجائے فقط چار ٹریکٹر کے ٹائر سونپ دیئے گئے ۔

ان خیالات کا اظہار حق دو تحریک کے سربراہ مولانا ہدایت الرحمن ، حسین واڈیلہ و دیگر نے چر بندن میں جلسہ عام سے خطاب کرتے ہوئے کیا ۔

(جاری ہے)

مقررین نے خطاب کرتے ہوئے کہا کہ بلوچستان میں 31 اگست کو بطور یوم نجات منائیں گے ، 31 اگست وہ دن ہوگا کہ اسمبلیاں تحلیل کی جائینگی اور اس دن کو بکوچستان کے عوام ایک نشہی حکمران اور اس کی نااہل کمپنی سے نجات پائیں گے ، انہوں نے کہا کہ 40 سالہ ٹولے نے ضلع گوادر کی ان پراسٹرکچر کو تباہی کے دہانے ہرپہنچایا ہے، جس طرح آپ نے گوادر کی تباہی کے ان ذمہ داران کو 40 سال دیا اور آپ کی حالت زار میں ذرہ بھر بھی تبدیلی نہیں آئی عین اسی طرح محض پانچ سال کیلئے ہمیں آزمائیں ہم سمندر کو ٹرالرز سے پاک کرینگے اور گوادر کے عوام کی زندگیوں میں نمایاں تبدیلی لائیں گے، انہوں نے کہا کہ کلانچ کے مکین 40 سالوں سے میر اور اس کا فرزند کو ووٹ کرتے آرہے ہیں اس کے باوجود کلانچ کے مکین پیاسے ہیں اور وہ آج بوند بوند پانی کو ترس رہے ہیں، انہوں نے کہا کہ ان چالیس سالوں کے عوض کلانچ کے عوام کو پینے کے پانی کے بجائے فقط چار ٹریکٹر کے ٹائر سونپ دئے گئے، مقررین نے کہا کہ 1987 میں بطور ایم پی اے بر اجمان ہونے والے موٹر سائیکل سوار آج کھرب پتی بن گئے ہیں جبکہ ہمارے بچے انسانی بنیادی سہولیات سے محدوم ہیں، انہوں نے مزید کہا کہ ٹرالر مافیا نے ہماری سمندر کو تاراج کیا اور ڈرگ مافیا ہماری نسلیں تباہ کررہا ہے جب گوادر کے غیور عوام نے ان کے خلاف آواز آٹھائی تو ٹعالر و ڈرگ مافیا کے بجائے عام عوام پر کریک ڈاؤن کیا گیا۔