Live Updates

لاڑکانہ میں پی ٹی سی ایل پینشنرز کا پریس کلب کے سامنے احتجاجی مظاہرہ

پیر 7 اگست 2023 19:16

لاڑکانہ (اُردو پوائنٹ اخبارتازہ ترین - اے پی پی۔ 07 اگست2023ء) پی ٹی سی ایل پینشنرز لاڑکانہ نے ایاز حسین جعفری کی قیادت میں اپنے مطالبات کے حق میں لاڑکانہ پریس کلب کے سامنے احتجاجی مظاہرہ اور دھرنا دیا جس میں لاڑکانہ اور گردو نواح کے رہائش پذیر پی ٹی سی ایل پینشنرز کی بڑی تعداد شریک تھی۔

(جاری ہے)

احتجاجی مظاہرے سے خطاب کرتے ہوئے ایاز حسین جعفری، لیاقت علی مغیری، عبدالوہاب عباسی، محمد بخش چاچڑ، غلام صدیق سومرو، سید رفیق شاہ، عبدالغنی ابڑو، نیاز حسین دایو، غلام حسین انصاری، مبارک علی بھٹو، صحبت علی سومرو، اشتیاق قریشی آفتاب میرانی نے کہا کہ سپریم کورٹ کی جانب سے پی ٹی سی ایل پینشنرز کے حق میں دیئے گئے فیصلے پر فی الفور عمل کیا جائے اور غیر آئینی و غیر قانونی پینشن کٹوتی بند کی جائے، حکومت کی جانب سے بجٹ کے اعلان کردہ پینشن ادا کی جائے۔

ایوانِ بالا سینیٹ کی سٹینڈنگ کمیٹی برائے آیہ ٹی ٹی کی پی ٹی سی ایل پینشنرز کے حق میں پاس کی گئی متفقہ قرارداد پر جلد از جلد عملدرآمد کیا جائے ۔