الیکشن کمیشن نے تحریک انصاف کے چیئرمین عمران خان کو پانچ سال کیلئے نااہل قرار دے دیا

منگل 8 اگست 2023 21:30

اسلام آباد (اُردو پوائنٹ اخبارتازہ ترین - اے پی پی۔ 08 اگست2023ء) الیکشن کمیشن نے تحریک انصاف کے چیئرمین عمران خان کو پانچ سال کیلئے نااہل قرار دے دیا ہے۔

(جاری ہے)

الیکشن کمیشن کی جانب سے منگل کو جاری نوٹیفکیشن کے مطابق سیشن جج اسلام آباد ویسٹ کی جانب سے ڈسٹرکٹ الیکشن کمشنر اسلام آباد بنام عمران خان نیازی کیس کے 5 اگست 2023ء کے فیصلہ کی روشنی میں قصور وار اور بدعنوانی میں ملوث ہونے پر انتخابی قانون 2017ء کی شق 167 کے تحت تین سال کی قید اور ایک لاکھ روپے جرمانہ کی سزا سنائے جانے کے بعد عمران احمد خان نیازی کو آئین کے آرٹیکل 63 ون ایچ کے تحت پانچ سال کیلئے نااہل قرار دیا گیا ہے جبکہ این اے 45 کرم I کے حلقہ سے ان کی کامیابی کا نوٹیفکیشن بھی واپس لے لیا گیا ہے۔