عقیدہ ختم نبوتکا تحفظ ہر مسلمان کا دینی فریضہ ہے ،صاحبزادہ حافظ فاران سہیل

7ستمبر1974ء قادیانیت کی شکست کی تاریخ سنہرے الفاظ میں لکھی جاچکی ہے

جمعرات 7 ستمبر 2023 15:51

ننکانہ صاحب(اُردو پوائنٹ اخبارتازہ ترین - این این آئی۔ 07 ستمبر2023ء) سنی تحریک کے ضلعی صدر ننکانہ صاحبزادہ حافظ فاران سہیل نے کہا ہے کہ عقیدہ ختم نبوتکا تحفظ ہر مسلمان کا دینی فریضہ ہے ،مسلمان کٹ مر سکتے ہیں مگر عقائد پر آنچ برداشت نہیں کرسکتے،7ستمبر1974ء قادیانیت کی شکست کی تاریخ سنہرے الفاظ میں لکھی جاچکی ہے۔

(جاری ہے)

موجودہ دور میں پاکستان کیخلاف سازشوں میں قادیانیت کا سب سے بڑا ہاتھ ہے ،قادیانی اسلام اور پاکستان کیخلاف آج بھی سازشوں میں مصروف ہیں،انشا اللہ وطن عزیز اور عقیدہ ختم نبوت کے خلاف کسی سازش کو کامیاب ہونے نہیں دیں گے یہی ہمیں تاریخ سکھاتی ہے،7ستمبر یوم ختم نبوت کے حوالے سے میڈیا سے گفتگو کرتے ہوئے انہوں نے کہاکہ عقیدہ ختم نبوت? کے تحفظ کیلئے پوری دنیا کے مسلمان متحد ہیں یہ عقیدہ مسلمان کی جان اوراس پر سارے دین کا مدار ہے، عقیدہ ختم نبوت? کے تحفظ کیلئے اسلام کی تاریخ میں پہلی جنگ سیدنا صدیق اکبر رضی اللہ تعالی عنہ کے عہد خلافت میں مسیلمہ کذاب کے خلاف یمامہ کے میدان میں لڑی جس میں700حفاظ قرآن سمیت1200صحابہ کرام نے اپنی جانوں کو قربان کرکے عقیدہ ختم نبوت? کا تحفظ کیاانہوں نے کہاکہ دشمن قوتوں کے ساتھ مل کر قادیانی اسلام کو نقصان پہچانے کی ناکام کوششوں میں مصروف ہیں اسلام اور پاکستان کے لیے امت مسلمہ کسی قسم کی قربانی سے دریغ نہیں کرے گی انہوں نے کہا کہ قادیانی لابیاں وطن عزیز کے آئین کے خلاف سازشوں میں مصروف ہیں عقیدہ ختم نبوت ایمان کی روح ہے اور قانون تحفظ ختم نبوت آئین پاکستان کی روح ہے اس کے خلاف کوئی بھی سازش قبول نہیں کی جائے گی انہوں نے کہاکہ برصغیر پاک وہند میں جب انگریز نے منظم منصوبہ بندی کے تحت قادیانی ملعون کو مسلمانوں کے عقائد کو مسخ کرنے کیلئے جھوٹا نبی بنا کر پیش کیاتو اس فتنے کی سرکوبی کیلئے ہزاروں مسلمانوں نے اپنی جانوں کی قربانیاں دیں اور وقت کے جید علمائ کرام نے کوششیں کی1973ئ میں علمائ کرام کی کوششوں کے نتیجے میں1974ئ میں قادیانیوں کو اقلیت اور دائرہ اسلام سے خارج تسلیم کیا گیا۔