سنٹرل پولیس آفس میں آئی جی پنجاب ڈاکٹر عثمان انور کی کھلی کچہری

ڈاکٹر عثمان انور نے شہریوں اور پولیس ملازمین کے مسائل سن کر احکامات جاری کئے آئی جی کا شہریوں کی درخواستوں پر متعلقہ ڈی پی اوز کو فوری کاروائی کرکے رپورٹ بھجوانے کا حکم

جمعہ 22 ستمبر 2023 19:50

لاہو ر(اُردو پوائنٹ اخبارتازہ ترین - این این آئی۔ 22 ستمبر2023ء) انسپکٹر جنرل پولیس پنجاب ڈاکٹر عثمان انور نے سنٹرل پولیس آفس میں شہریوں کے مسائل سننے کیلئے کھلی کچہری لگائی ، کھلی کچہری میں آئی جی پنجاب نے شہریوں اور پولیس ملازمین کے مسائل سن کر احکامات جاری کئے۔ڈاکٹر عثمان انور کا شہریوں کی درخواستوں پر متعلقہ ڈی پی اوز کو فوری کاروائی کرکے رپورٹ بھجوانے کا حکم دیتے ہوئے کہاکہ ڈسٹرکٹ پولیس افسران شہریوں کے مسائل کو مقامی سطح پر حل کریں۔

(جاری ہے)

آئی جی پنجاب ڈاکٹر عثمان انور نے کہاکہ پولیس ملازمین کی درخواستوں کا متعلقہ برانچ سربراہان ذاتی نگرانی میں ازالہ کریں،ٹرانسفر، پوسٹنگ، جزا و سزا سمیت دیگر امور سے متعلقہ مسائل پر میرٹ کے مطابق ہر ممکن ریلیف دیا جائے۔ آئی جی پنجاب نے مزیدکہاکہ فورس کے مسائل کا ازالہ کرکے ہی ہم ان سے بہتر پرفارمنس کا تقاضا کر سکتے ہیں۔ آئی جی پنجاب نے دوران سروس انتقال کرنے والے ملازمین کے اہل خانہ کے مسائل بارے بھی احکامات جاری کئے۔شہدا کے ساتھ دوران سروس انتقال کرنے والے ملازمین کے اہلخانہ کی ویلفیئر کا ہر ممکن خیال رکھا جا رہا ہے۔