, وزیراعلیٰ محسن نقوی کا لاہور،سیالکوٹ موٹروے کے ساتھ گوجرانوالہ کو لنک کرنے کے پراجیکٹ کا تفصیلی دورہ ،عام ڈالے میں سفر کیا

=وزیراعلی نے 15.2کلومیٹر بے نظیر چوک سے واہنڈو تک پورے روٹ کا معائنہ کیا، ارتھ ورک اور سٹرک پر پتھر ڈالنے کے کام کی رفتار چیک کی اور زیر تعمیر پلوں کا معائنہ کیا ‘وزیراعلی محسن نقوی کا منصوبے پر کام کی رفتار پر اطمینان کا اظہار، ایف ڈبلیو او کے پراجیکٹ ڈائریکٹر اور ان کی ٹیم کو شاباش دی / گوجرانوالہ موٹروے لنک روڈکیساتھ کمرشل ایریا بھی ڈویلپ کیا جائے گا،گوجرانوالہ کا لاہور کا سفر 45 منٹ رہ جائے گا۔محسن نقوی

منگل 26 ستمبر 2023 20:10

-لاہور (اُردو پوائنٹ اخبارتازہ ترین - آن لائن۔ 26 ستمبر2023ء) نگران وزیراعلیٰ پنجاب محسن نقوی نے لاہور،سیالکوٹ موٹروے کے ساتھ گوجرانوالہ کو لنک کرنے کے پراجیکٹ کا تفصیلی دورہ کیا۔وزیراعلیٰ محسن نقوی نے عام ڈالے میں سفر کیا اور15.2کلومیٹر بے نظیر چوک سے واہنڈو تک پورے روٹ کا معائنہ کیا۔وزیر اعلی محسن نقوی نے ارتھ ورک اور سٹرک پر پتھر ڈالنے کے کام کی رفتار چیک کی اور زیر تعمیر پلوں کا معائنہ کیا ۔

وزیر اعلی محسن نقوی نے 15.2 کلو میٹر زیر تعمیر دو رویہ سٹرک پر جاری تعمیراتی سرگرمیوں کا جائزہ لیا ۔15.2کلو میٹر طویل لنک روڈ کاتقریباً 90 فیصد ارتھ ورک مکمل ہوچکا ہے اور سٹرک کے مختلف مقامات پر پتھر ڈالنے کا کام جاری ہے جبکہ پلوں کی تعمیر اور سب ویز پر تیزی سے کام ہورہا ہے۔

(جاری ہے)

لاہور سیالکوٹ موٹروے کو واہنڈو انٹرچینج سے بے نظیر چوک تک دو رویہ سڑک کے ذریعے گوجرانوالہ سے لنک کیا جائے گا۔

وزیراعلی محسن نقوی نے منصوبے پر کام کی رفتار پر اطمینان کا اظہار کیا اور ایف ڈبلیو او کے پراجیکٹ ڈائریکٹر اور ان کی ٹیم کو شاباش دی۔وزیراعلی محسن نقوی نے کہا کہ اس لنک روڈ کے ساتھ کمرشل ایریا بھی ڈویلپ کیا جائے گا۔ منصوبے کی تکمیل سے وقت کے ساتھ ایندھن کی مد میں خاطر خواہ بچت ہو گی۔ وزیراعلیٰ محسن نقوی نے منصوبے کو مقررہ مدت میں مکمل کرنے کیلئے متعلقہ حکام کو ضروری ہدایات دیں ۔

منصوبے کی تکمیل سے گوجرانوالہ کا لاہور کا سفر 45 منٹ رہ جائے گا۔ وزیراعلی محسن نقوی کو بریفنگ میں بتایا گیا کہ15.2 کلو میٹر طویل دو رویہ کا ر پٹیڈ سڑک مو ٹر وے کے لئے بہترین رسائی فراہم کرے گی۔ منصوبے کو مقررہ مدت میں مکمل کرنے کے لئے تمام وسائل برو ئے کار لائے جا رہے ہیں۔رائٹ آف وے سے تمام سروسز کی منتقلی کا عمل مکمل کر لیا گیا ہے۔سیکرٹری تعمیرات ومواصلات اور ایف ڈبلیو او کے پراجیکٹ ڈائریکٹر کرنل عمران ارشد نے وزیراعلیٰ محسن نقوی کو پراجیکٹ پر ہونے والی پیشرفت کے بارے میں بریفنگ دی۔ فرنٹیئر ورکس آرگنائزیشن کے حکام بھی اس موقع پر موجود تھی