وزیر آباد ،پی ٹی آئی لانگ مارچ حملہ کیس کے مرکزی ملزم نوید کے ریمانڈ میں 14 اکتوبر تک توسیع

ہفتہ 30 ستمبر 2023 19:50

وزیرآباد(اُردو پوائنٹ اخبارتازہ ترین - این این آئی۔ 30 ستمبر2023ء) جوڈیشل کمپلیکس وزیرآباد میں سول جج کی عدالت پی ٹی آئی لانگ مارچ حملہ کیس کے مرکزی ملزم نوید کے ریمانڈ میں 14 اکتوبر تک توسیع کردی ۔

(جاری ہے)

ملزم نوید نے نومبر 2022 میں وزیرآباد اللہ والا چوک کے قریب لانگ مارچ پر فائرنگ کی تھی جس کے نتیجے میں چیئرمین پی ٹی آئی و دیگر قائدین زخمی جبکہ اسی حملے کے دوران ایک کارکن جاں بحق ہوا تھاچیئرمین پی ٹی آئی و لانگ مارچ پر حملے کے مرکزی ملزم نوید کو مقدمہ نمبر 744/22 میں جوڈیشل ریمانڈ ختم ہونے پر جوڈیشل کمپلیکس وزیرآباد میں سول جج حماد رضا کی عدالت میں پیش کیا گیا۔

ملزم کو پولیس کی بھاری نفری کے ہمراہ جوڈیشل کمپلیکس وزیرآباد لایا گیا۔ ملزم کے ریمانڈ میں 14 اکتوبر تک توسیع کر دی گئی ہے۔ ملزم نے نومبر 2022 میں پی ٹی آئی لانگ مارچ پر حملہ کیا تھا جس کے بعد اسے جائے وقوع سے ملحقہ عمارت سے گرفتار کر لیا گیا، بعد ازاں حملے میں استعمال ہونے والا اسلحہ بھی برآمد کر لیا گیا۔ ملزم کے خلاف اینٹی ٹیررازم کورٹ میں بھی حملے کا مقدمہ زیر سماعت ہے۔