نوازشریف کا کوئٹہ کا دورہ، درجنوں ممتاز سیاسی شخصیات کا (ن) لیگ میں شمولیت کا اعلان

سابق وزیراعلی جام کمال، سابق وفاقی وزراء اور ارکان اسمبلی شامل ہیں، نوازشریف نے تمام سیاسی شخصیات کا پارٹی میں شمولیت پر خیرمقدم کیا

ثنااللہ ناگرہ منگل 14 نومبر 2023 21:07

نوازشریف کا کوئٹہ کا دورہ، درجنوں ممتاز سیاسی شخصیات کا (ن) لیگ میں ..

کوئٹہ (اردوپوائنٹ اخبارتازہ ترین ۔ 14 نومبر 2023ء) پاکستان مسلم لیگ ن کے قائد نوازشریف کے دورہ کوئٹہ کے موقع پر درجنوں ممتاز سیاسی شخصیات نے (ن) لیگ میں شمولیت کا اعلان کردیا، نوازشریف نے تمام سیاسی شخصیات کا پارٹی میں شمولیت پر خیرمقدم کیا۔ اعلامیہ ن لیگ کے مطابق پاکستان مسلم لیگ (ن) کے قائد محمد نواز شریف نے آج کوئٹہ بلوچستان کا دورہ کیا، جہاں پر مختلف جماعتوں کے قائدین نے نوازشریف سے ملاقات کی۔

اس موقع پر درجنوں ممتاز سیاسی شخصیات نے مسلم لیگ (ن) میں شمولیت کا اعلان کردیا، سابق وزیر اعلی جام کمال، سابق وفاقی وزراء سردار فتح محمد حسنی، مجیب الرحمن محمد حسنی، میر عاصم کرد، میر دوستین ڈومکی مسلم لیگ (ن) میں شامل ہو گئے۔ سابق وزیر خان محمد جمالی، فائق جمالی، غفور لہڑی، محمد خان لہڑی، سلیم کھوسہ، شعیب نوشیروانی، ذین مگسی، سردار عبدالرحمن کیھترانی، سردار مسعود لونی، محمد خان طور عثمان خیل مسلم لیگ (ن) میں شامل ہو گئے۔

(جاری ہے)

نور محمد دمڑ، شیر گل خلجی، حاجی برکت رند، شوکت بنگلزئی، عطااللہ، ربابہ بلیدی، میر انور شاہوانی، سردار علی حیدر ایم حسنی، جعفر کریم بنگار، سردار زادہ ادریس تاج، آغا فیصل احمد زئی، ملک شہریار، رامین ایم حسنی اور حاجی نور اللہ لہڑی، سعید الحسن عاطف سنجرانی ڈاکٹر اشوک کمار ڈاکٹر محمد ایوب بلوچ میر اسماعیل بلوچ میر طارق بگٹی بسنت لال گلشن، محمد کاشف، مصلح الدین مینگل، داؤد شاہوانی، سردار نعمت اللہ تمرانی بزنجو، سردار زادہ میر اخلاق کدرانی، سردار زادہ عالم خان تمرانی بزنجو، مینا زینت شاہوانی، صوبیہ قبزئی، کاشفہ گچکی، سردار عالم تمرانی، میر اخلاق بزنجو زہری، رب نواز بہرانی اور حاجی حنیف رند بھی مسلم لیگ(ن) کا حصہ بن گئے۔

بلوچستان کی سیاسی شخصیات مسلم لیگ (ن) کی قیادت اور راہنمائوں سے رابطے مکمل کر چکی تھیں ۔ قائد ن لیگ نوازشریف کی آمد پر باضابطہ مسلم لیگ (ن) میں شمولیت کا اعلان کیا گیا۔ پاکستان مسلم لیگ (ن) کے قائد نواز شریف اور صدر شہباز شریف نے بلوچستان سے تمام سیاسی شخصیات کو پارٹی میں شمولیت پر مبارک دی اور خوش امدید کہا۔