کمیونسٹ پارٹی آف چائناو یونائیٹڈ رشیا کے درمیان تعاون نئے دور میں چین -روس تعلقات کا ایک اہم حصہ ہے، شی جن پنگ

بیجنگ (اُردو پوائنٹ اخبارتازہ ترین - اے پی پی۔ 20 نومبر2023ء) چین کے صدر شی جن پنگ نے کہا ہے کہ کہ کمیونسٹ پارٹی آف چائنا اور یونائیٹڈ رشیا کے درمیان تعاون نئے دور میں چین -روس تعلقات کا ایک اہم حصہ ہے، چین اور روس کی حکمران جماعتوں کے درمیان ڈائیلاگ میکانزم دونوں ممالک کے لیے باہمی سیاسی اعتماد کو مستحکم کرنے ، سٹریٹجک کوآرڈینیشن کو مضبوط بنانے اور مفید باہمی تعاون کو فروغ دینے کے لیے ایک منفرد چینل اور پلیٹ فارم بن چکا ہے۔

چینی نشر یاتی ادارے کے مطا بق ا ن خیا لات کا اظہار چینی صدر نے چین اور روس کی حکمران جماعتوں کے درمیان ڈائیلاگ میکانزم کے 10 ویں اجلاس کے موقع پر اپنے پیغام کیا ۔ اس مو قع پر روسی صدر ولادیمیر پیوٹن نے بھی اجلاس کے نام پیغام بھیجا۔

(جاری ہے)

چینی صدر نے کہا کہ امید کی جاتی ہے کہ دونوں فریق ڈائیلاگ میکانزم کے 10 ویں اجلاس سے فائدہ اٹھاتے ہوئے نئے دور میں چین -روس تعلقات کی مسلسل ترقی، بین الاقوامی انصاف کی حفاظت اور انسانیت پر مبنی معاشرے کی تعمیر کو فروغ دینے کے لئے مزید زیادہ خدمات سرانجام دیں گے۔

روسی صدر پیوٹن نےاپنے پیغام میں کہا کہ روس اور چین کے درمیان تعاون کی جامع سٹریٹجک شراکت داری تاریخ کی بلند ترین سطح پر ہے۔انہوں نے کہا کہ روس-چین حکمراں جماعتوں کے ڈائیلاگ میکانزم کے 10 ویں اجلاس میں ہونے والا مکالمہ تعمیری موضوعات سے بھر پورہوگا اور روس اور چین کے درمیان نتیجہ خیز تعاون کو مزید فروغ دے گا۔