پاکستانی پاسپورٹ پر سعودی عرب ملازمت کیلئے جانے والا افغان شہری عین وقت پر گرفتار

منگل 21 نومبر 2023 21:20

کراچی(اُردو پوائنٹ اخبارتازہ ترین - این این آئی۔ 21 نومبر2023ء) ایف آئی اے امیگریشن نے جناح ٹرمینل ائیرپورٹ پر کارروائی کرتے ہوئے پاکستانی پاسپورٹ پر بیرون ملک جانے والے افغان مسافرکو گرفتارکرلیا۔ایف آئی اے امیگریشن کے جناح ٹرمینل پر تعینات عملے نے پاکستانی پاسپورٹ پر بیرون ملک جانے والے افغان مسافرکو گرفتار کیا جس کی شناخت ظہیر احمد کے نام سے ہوئی۔

(جاری ہے)

ترجمان ایف آئی اے کے مطابق ملزم ظہیر احمد نے جعلی سازی اوردھوکہ دہی سے پاکستانی پاسپورٹ حاصل کیا، شک کی بنیاد پرمسافر کی سفری دستاویزات کی جانچ پڑتال کی گئی، جس کے دوران اس کے غیرملکی ہونے کا شبہ پایا گیا۔ایف آئی اے کے مطابق ملزم ملازمت کی غرض سیسعودی عرب جارہا تھا، ملزم کے زیر استعمال پاکستانی پاسپورٹ پرسعودی عرب کا ورک ویزا لگا ہوا تھا۔ ملزم کو مزید قانونی کارروائی کے لئے اینٹی ہیومن ٹریفکنگ سرکل کراچی منتقل کردیا گیا۔