چوہدری شجاعت نے چوہدری سرور کو اس وقت کوئی بھی سیاسی فیصلہ کرنے سے منع کر دیا

سابق گورنر چوہدری سرور کا چوہدری شجاعت حسین سے مشاورت کے بغیرکوئی بھی سیاسی قدم نہ اٹھانے کا فیصلہ

مقدس فاروق اعوان منگل 28 نومبر 2023 14:09

چوہدری شجاعت نے چوہدری سرور کو اس وقت کوئی بھی سیاسی فیصلہ کرنے سے منع ..

اسلام آباد(اردو پوائنٹ تازہ ترین اخبار۔28نومبر 2023ء) پاکستان مسلم لیگ کے صدر چودھری شجاعت نے پارٹی کے چیف آرگنائزر چوہدری محمد سرور کو موجودہ صورتحال میں کسی بھی طرح کا سیاسی فیصلہ کرنے سے روک دیا۔تفصیلات کے مطابق پاکستان مسلم لیگ ق کے سربراہ چوہدری شجاعت حسین اور سابق گورنر پنجاب چوہدری سرور کے مابین رابطہ ہوا ہے۔دونوں رہنماؤں کے درمیان سیاسی صورتحال پر بات چیت کی گئی۔

میڈیا رپورٹس کے مطابق چوہدری شجاعت حسین نے چوہدری سرور کو اس وقت کوئی بھی سیاسی فیصلہ کرنے سے منع کر دیا۔چوہودری سرور نے کہا کہ کوئی بھی سیاسی فیصلہ آپکی مشاورت کے بغیر نہیں ہوگا، جلد پاکستان آکر چوہدری شجاعت حسین سے ملاقات کروں گا۔کچھ دن سے یہ خبریں گردش کر رہی تھیں کہ چوہدری سرور کی جانب سے دوبارہ پی ٹی آئی میں شمولیت کی کوششیں شروع کر دی گئی ہیں۔

(جاری ہے)

جیو نیوز کے مطابق دو قابل اعتماد ذرائع کا کہنا ہے کہ چوہدری سرور ان دنوں اسکاٹ لینڈ میں مقیم ہیں جہاں سے انہوں نے پی ٹی آئی رہنماؤں سے رابطوں میں پارٹی میں واپسی کے طریقہ کار پر تبادلہ خیال کیا ہے، چوہدری سرور کی جانب سے پی ٹی آئی رہنماؤں سے رابطہ کرکے دوبارہ شمولیت کی خواہش ظاہر کی تاہم پارٹی نے ابھی تک کوئی جواب نہیں دیا۔ ذرائع سے معلوم ہوا ہے کہ چوہدری سرور کی دوبارہ پی ٹی آئی میں شامل ہونے کی کوششوں کی وجوہات میں ان کے خاندان کے افراد کی جانب سے فیصل آباد میں پی ٹی آئی کے ٹکٹ پر الیکشن لڑنے کی خواہش ہے، اس کے علاوہ اسکاٹش لیبر لیڈر اور سابق گورنر پنجاب کے صاحبزادے چوہدری انس سرور کا بھی گلاسگو میں الیکشن ہونے والا ہے اور مقامی حلقے میں پاکستانی ووٹرز کی تعداد کافی زیادہ ہے جن کا جھکاؤ تحریک انصاف کی جانب ہے۔

ہ چوہدری سرور سے پی ٹی آئی میں دوبارہ شمولیت کی کوششوں کے بارے میں جاننے کے لیے رابطہ کرنے پر انہوں نے اس کی ترید نہیں کی اور کہا کہ اس وقت تمام آپشنز دستیاب ہیں۔