Live Updates

عمران خان سے اس وقت بات ہوگی جب وہ کیسز سے بری ہوں گے، فیصل کریم کنڈی

تمام سیاسی جماعتیں مائنس چیئرمین پی ٹی آئی کےایک دوسرے کے ساتھ بیٹھنے کوتیار ہیں، سینئر پی پی رہنما کی گفتگو

دانش احمد انصاری بدھ 29 نومبر 2023 00:43

عمران خان سے اس وقت بات ہوگی جب وہ کیسز سے بری ہوں گے، فیصل کریم کنڈی

کراچی (اُردو پوائنٹ اخبارتازہ ترین۔ 28 نومبر2023ء) پیپلزپارٹی کے سینئر رہنما فیصل کریم کنڈی نے کہا ہے کہ عمران خان سے اس وقت بات ہوگی جب وہ کیسز سے بری ہوں گے۔ انہوں نے نجی ٹی وی چینل ہم نیوز کے پروگرام میں گفتگو کرتے ہوئے کہا کہ تمام سیاسی جماعتیں مائنس چیئرمین پی ٹی آئی کےایک دوسرے کے ساتھ بیٹھنے کوتیار ہیں۔ فیصل کریم کنڈی نے کہا کہ چیئرمین پی ٹی آئی ابھی بھی پارٹی چیئرمین ایکسٹینشن لے کر بیٹھے ہیں، عمران خان خود کہتے تھے کہ حکومت یہ چلاتے ہیں۔

رہنما پیپلز پارٹی کا کہنا تھا کہ جب بینظیر بھٹو شہید ہوئیں تو پاکستان میں آگ لگی ہوئی تھی ، بینظیر بھٹو شہید ہوئیں تو ہم نے پاکستان کھپے کا نعرہ لگایا اور آگے بڑھے۔ پی ٹی آئی والے 10سال کے پراجیکٹ پر آئے تھے جو ناکام ہو چکا ، پی ٹی آئی والے آصف زرداری کی منتیں کر رہے تھے ، پی ٹی آئی والے آصف زرداری کی منتیں کر رہے تھے عدم اعتماد واپس لے لیں۔

(جاری ہے)

چیئرمین تحریک انصاف نے پیغام بھیجا کہ عدم اعتماد واپس لے لیں ، آصف زرداری نے کہا کہ میں کمٹمنٹ کر چکا ہوں۔ انکا کہنا تھا کہ یہی چیئرمین پی ٹی آئی کہتا تھا کہ ان کیلئے گھر سے کھانا کیوں جاتا ہے ، اب چیئرمین پی ٹی آئی کبھی سائیکل اور کبھی کچھ مانگ رہے ہیں۔ انہوں نے کہا کہ پیپلز پارٹی سے تلوار کا نشان لے کر تیر کا نشان دیا گیا ، پاکستان میں شخصیات کے ووٹ ہیں ، پیپلز پارٹی ختم کر دی گئی ، ہم نے پیپلز پارٹی پارلیمنٹرینز بنا لی۔

پی ٹی آئی میں لوگ ڈیپوٹیشن کیلئے آئے تھے وہ کسی اور ڈیپارٹمنٹ میں چلے گئے ، پاکستان میں شخصیات کا ووٹ ہے چاہے وہ بھٹو خاندان کا ہو یا شریف فیملی کا ہو ، پی ٹی آئی والے بھی الیکٹیبلز کے پاس گئے تھے۔