گورنمنٹ ایسوسی ایٹ کالج میں 3 روزہ پنجاب سیکنڈ ہائرایجوکیشن کرکٹ مقابلے کا انعقاد

پی سی بی ویمن کرکٹ کی سابقہ ڈائریکٹرپروفیسر ڈاکٹرشمسہ ہاشمی کی بطور مہمان خصوصی افتتاحی تقریب میں شرکت، ڈائریکٹر کالجز کا نیک خواہشات کا اظہار اور مکمل سپورٹ کی یقین دہانی

ثنااللہ ناگرہ جمعرات 30 نومبر 2023 18:54

گورنمنٹ ایسوسی ایٹ کالج میں 3 روزہ پنجاب سیکنڈ ہائرایجوکیشن کرکٹ مقابلے ..

لاہور(اردوپوائنٹ اخبارتازہ ترین۔ 30 نومبر 2023ء) گورنمنٹ ایسوسی ایٹ کالج رکھ چھبیل میں تین روزہ پنجاب سیکنڈ ہائر ایجوکیشن کرکٹ مقابلہ کا انعقاد میں ہوا۔ جس میں لاہور بھر سے خواتین کالجز کی ٹیموں نے شرکت کی۔ پروفیسر ڈاکٹر شمسہ ہاشمی سابقہ ڈائریکٹر پاکستان کرکٹ بورڈ ویمن کرکٹ نے بطور مہمان خصوصی افتتاحی تقریب میں شرکت کی۔ تین روزہ میچز کا فائنل گورنمنٹ گریجوایٹ کالج گلبرگ اور گورنمنٹ ایسوسی ایٹ کالج رکھ چھبیل کے درمیان ہوا۔

(جاری ہے)

جس کی فاتح گلبرگ کالج کی ٹیم ٹہری۔ ڈائریکٹر کالجز زاہد میاں نے بطور مہمان خصوصی شرکت کی اور فاتح ٹیم کو میڈلز دئیے۔ ڈائریکٹر کالجز نے پرنسپل پروفیسر ڈاکٹر شارقہ ہاشمی کی کاوشوں کو سرہاتے ہوئے کہا کہ پچھلے دس سال میں یہ پہلی دفعہ ہے کہ رکھ چھبیل کالج نے کسی بھی صوبائی تقریب کی میزبانی کی ہے اور اس کا سارا کریڈٹ پرنسپل پروفیسر ڈاکٹر شارقہ ہاشمی کی قائدانہ صلاحیتوں کو دیا۔ ڈائریکٹر کالجز نے مستقبل کے لئیے نیک خواہشات کا اظہار کیا اور ڈائریکٹوریٹ کی سپورٹ کی یقین دہانی کروائی۔