خیبرپختونخون خوا کو پاکستان مسلم لیگ (ن) کی سب سے زیادہ ضرورت ہے،دس سال میں خیبرپختون خوا کو کنگال صوبہ بنادیاگیا ،مریم نواز شریف کی کے پی کے یوتھ کوآرڈیٹنر سے ملاقات میں گفتگو

جمعرات 30 نومبر 2023 22:48

لاہور(اُردو پوائنٹ اخبارتازہ ترین - آن لائن۔ 30 نومبر2023ء) پاکستان مسلم لیگ (ن) کی سینئر نائب صدر اور چیف آرگنائزر مریم نواز شریف نے کہا ہے کہ خیبرپختونخون خوا کو پاکستان مسلم لیگ (ن) کی سب سے زیادہ ضرورت ہے،دس سال میں خیبرپختون خوا کو کنگال صوبہ بنادیاگیا ،دس سال میں بی آرٹی اور بلین ٹری سونامی کے نام پر خیبرپختون خوا میں بدترین کرپشن اور لوٹ ماری جاری رہی،ان خیالات کا اظہار پاکستان مسلم لیگ (ن) کی سینئر نائب صدر اور چیف آرگنائزر مریم نواز شریف سے خیبرپختون خواہ کے یوتھ کوآرڈینیٹرز کی ملاقات میں کیا۔

ملاقات میںخیبرپختون خوا میں یونین کونسل کی سطح تک یوتھ کوآرڈینیٹرز کی تقرری کے امور پر مشاورت ہوئی ۔ملاقات میں خیبرپختونخوا میں تنظیمی امور اور عام انتخابات کی تیاریوں کے حوالے سے جائزہ لیا گیا۔

(جاری ہے)

مریم نوازشریف نے کہا کہ دس سال میں ساڑھے تین سو ڈیم تو نہ بن سکے، قوم کو قدم قدم پر ڈیم فول بنایاگیا، دس سال میں ایک ہسپتال، ایک کالج، ایک یونیورسٹی نہ بن سکی، دس سال میں یہ تبدیلی آئی کہ خیبرپختون خوا صوبے کے پاس تنخواہیں اور پینشن دینے کے پیسے نہ رہے، پاکستان کی طرح خیبرپختون خوا کو تاریخ کا سب سے زیادہ قرض لاد کر بھاگ گئے، نامراد تبدیلی پاکستان اور خیبرپختون خوا کو ڈیفالٹ کے کنارے چھوڑ گئی،پورے پاکستان میں سب سے پہلے خیبرپختون خوا کو صحت کارڈ نوازشریف نے دیا تھا ، خیبرپختون خوا کے غ یرت مند اور وفاشعار عوام کو ریاست سے ٹکرانے کی سازش کی گئی، وزیراعظم نوازشریف نے صحت کارڈ کا آغاز خیبرپختون خوا سے کیا تھا، یکم جنوری 2016 کو وزیراعظم نوازشریف نے صحت کارڈ کا آغاز کیا تھا، مریم نوازشریف نے کہاکہ 190 ملین پا?نڈ لوٹنے والوں نے خیبرپختون خوا اور پاکستان کے وسائل ہڑپ کرلئے،خیبرپختون خوا کی دس سال کی محرومیاں دور کریں گے، خیبرپختون خوا میں جدید ترین ہسپتال، بہترین تعلیمی ادارے بنائیں گے۔