الیکشن کمیشن آف پاکستان کی مالی ضرورت پوری کرنے کے لئے کوئی بحران نہیں، مرتضیٰ سولنگی

وفاقی کابینہ نے الیکشن کمیشن آف پاکستان کی بجٹ ضروریات کے لئے 42 ارب روپے کی منظوری دی تھی، نگران وزیر اطلاعات

پیر 4 دسمبر 2023 22:58

الیکشن کمیشن آف پاکستان کی مالی ضرورت پوری کرنے کے لئے کوئی بحران ..

اسلام آباد (اُردو پوائنٹ اخبارتازہ ترین - این این آئی۔ 04 دسمبر2023ء) نگراں وفاقی وزیر اطلاعات، نشریات و پارلیمانی امور مرتضیٰ سولنگی نے کہا ہے کہ الیکشن کمیشن آف پاکستان کی مالی ضرورت پوری کرنے کے لئے کوئی بحران نہیں۔ اپنے بیان میں مرتضیٰ سولنگی نے کہاکہ وفاقی کابینہ نے الیکشن کمیشن آف پاکستان کی بجٹ ضروریات کے لئے 42 ارب روپے کی منظوری دی تھی۔

(جاری ہے)

مرتضیٰ سولنگی نے کہاکہ 10 ارب روپے کی رقم پہلے ہی جاری کی جا چکی ہے، الیکشن کمیشن نے منظور شدہ بجٹ کی رقم میں سے 17.4 ارب روپے جاری کرنے کے لئے رابطہ کیا ہے۔ مرتضیٰ سولنگی نے کہاکہ ای سی پی کو جو بھی بجٹ کی رقم درکار ہوگی، اس کی ضرورت کے مطابق جاری کی جائے گی۔ انہوںنے کہاکہ ہم آئین کے آرٹیکل 218(3) کے تحت آزادانہ اور منصفانہ انتخابات کے انعقاد کیلئے الیکشن کمیشن آف پاکستان کے ساتھ مضبوطی سے کھڑے ہیں۔