پیپلز پارٹی آزاد کشمیر کے انتخابات مکمل ،چوہدری محمد یٰسین صدر، فیصل ممتاز راٹھورجنرل سیکرٹری منتخب

منگل 5 دسمبر 2023 20:27

اسلام آباد (اُردو پوائنٹ اخبارتازہ ترین - این این آئی۔ 05 دسمبر2023ء) پاکستان پیپلز پارٹی آزاد کشمیر کے انتخابات مکمل ہوگئے چوہدری محمد یٰسین صدر، راجہ فیصل ممتاز راٹھور جنرل سیکرٹری ،تصدق گردیزی سیکرٹری مالیات ،سردار جاوید ایوب بلا مقابلہ سیکرٹری اطلاعات منتخب ہو گئے ۔

(جاری ہے)

چیرمین پاکستان پیپلز پارٹی بلاول بھٹو زرداری کی ہدایت پر سیکرٹری جنرل نیر بخاری نے الیکشن بورڈ تشکیل دیا الیکشن بورڈ کے چیئرمین و کنونیر سابق وزیر سردار عابد حسین عابد ممبران میں علی نقوی اور پرویز اکبر ایڈوکیٹ شاملِ تھے بورڈ نے الیکشن کمیشن میں پارٹی رجسٹریشن کے لیے آزاد جموں وکشمیر عدالت العالیہ کے فیصلہ کی روشنی میں پاکستان پیپلز پارٹی آزاد کشمیر کے عہدے داران کا انتخاب مکمل کر لیا جس میں چوہدری محمد یٰسین بلامقابلہ صدر راجہ فیصل ممتاز راٹھور جنر ل سیکرٹری اور سردار جاوید ایوب ر سیکرٹری اطلاعات جبکہ ر سیکرٹری مالیات تصدق گردیزی منتخب ہو گئے اور پاکستان پیپلز پارٹی آزاد کشمیر کی گذشتہ روز ایگزیکٹو کونسل کے اجلاس منعقدہ سینڑل سکریٹریٹ پاکستان پیپلز پارٹی اسلام آباد نے بھی منتخب عہدیداران کی توثیق کر دی چیرمین الیکشن بورڈ و کنونیر سردار عابد حسین عابد نے بلا مقابلہ ہونے والے عہداران کا نوٹیفکیشن پڑھ کر سنایا اس سلسلہ میں الیکشن بورڈ نے 22 نومبر کو شیڈول جاری کر دیا جس کی روشنی میں 2اور 3دسمبر کو کاغذات نامزدگی جمع کروانے تھے پاکستان پیپلز پارٹی کے دستور کے مطابق چار عہدوں پر الیکشن ہونے تھے اس دوران شیڈول کے مطابق صرف چار کاغزات جمع ہوئے جس کی روشنی میں الیکشن بورڈ نے مذکورہ عہدے داران کو بلامقابلہ کامیاب قرار دے دیا۔