اچھی اورصحت مند سرگرمیوں کا فروغ حکومت کی ترجیحات میں شامل ہے‘بلیغ الرحمن

پبلک پرائیویٹ پارٹنر شپ کے اچھے نتائج سامنے آرہے ہیں‘ گورنر پنجاب کی جیلانی پارک میں منعقدہ فلاور شو میں شرکت

منگل 5 دسمبر 2023 22:04

اچھی اورصحت مند سرگرمیوں کا فروغ حکومت کی ترجیحات میں شامل ہے‘بلیغ ..

لاہور (اُردو پوائنٹ اخبارتازہ ترین - این این آئی۔ 05 دسمبر2023ء) گورنر پنجاب محمد بلیغ الرحمن نے گورنر ہاوس لاہور میں جیلانی پارک میں ہارٹی کلچرل سوسائٹی آف پاکستان کے زیراہتمام منعقدہ فلاور شو میں پوزیشن لینے والے افراد میں انعامات تقسیم کیے ۔ وائس چیئرمین ہارٹیکلچر سوسائٹی آف پاکستان، ابرار ممتاز، سیکرٹری جنرل، طارق جیلانی، کنوینئر ساجد سنبل، مارکیٹنگ ہیڈ شائستہ خاور،، چیئرمین ملت ٹریکٹر لمیٹڈ سکندر مصطفی خان سمیت دیگر افراد تقریب میں موجود تھے۔

اس موقع پرمنعقدہ تقریب سے خطاب کرتے ہوئے گورنر پنجاب محمد بلیغ الرحمن نے کہا کہ اچھی اور صحت مند سرگرمیوں کا فروغ حکومت کی ترجیحات میں شامل ہے۔انہوں نے کہا کہ والڈ سٹی اتھارٹی اس حوالے سے اچھا کام کررہی ہے۔

(جاری ہے)

گورنر پنجاب نے کہا کہ پبلک پرائیویٹ پارٹنر شپ کے اچھے نتائج سامنے آرہے ہیں۔ انہوں نے کہا کہ پی ایچ اے اور دوسرے ادارے پبلک پرائیویٹ پارٹنر شپ کے ذریعے مختلف پراجیکٹس پر کام کر سکتے ہیں ۔

گورنر پنجاب نے کہا کہ پھول قدرت کا سب سے خوبصورت اور انمول تحفہ ہیں ۔ انہوں نے کہا کہ اللہ تعالی خود جمیل ہے اور خوبصورتی کو پسند فرماتا ہے۔گورنر پنجاب نے کہا کہ پھول ماحول کو خوبصورت بنانے میں اہم کردار ادا کرتے ہیں ۔انہوں نے کہا کہ رواں ہفتے مقامی گارڈن میں فلاور شو کا اہتمام کیا گیا تھا جہاں مختلف قسم کے پھولوں کی نمائش کی گئی تھی جو کہ دیکھنے میں بہت دلکش تھے۔گورنر پنجاب نے کہا کہ حکومت نے اچھے کام کرنے والوں کی ہمیشہ حوصلہ افزائی کی ہے۔ اس موقع پر گورنر پنجاب محمد بلیغ الرحمن نے فلاور شو میں پوزیشن لینے والے افراد میں شیلڈز اورٹرافیاں تقسیم کیں۔