سرائیکی زبان کے معروف گلوکار منصور ملنگی کی 9ویں برسی11دسمبر کو منائی جائے گی

بدھ 6 دسمبر 2023 11:05

ٹھٹھہ صادق آباد(اُردو پوائنٹ اخبارتازہ ترین - این این آئی۔ 06 دسمبر2023ء) سرائیکی زبان کے معروف گلوکار منصور ملنگی کی 9ویں برسی11دسمبر کو منائی جائے گی اس سلسلے میں ٹھٹھہ صادق آباد سمیت مختلف شہروں میں ان کے مداح خصوصی تقریبات کا اہتمام کریں گے۔منصور ملنگی یکم جنوری1947 ء کو ضلع جھنگ کے علاقہ گڑھ مہاراجہ میں پیدا ہوئے اس کا والد پٹھان علی سارنگی نواز تھا اس لیے گلوکاری کا شوق منور ملنگی کو وراثت میں ہی ملا منصور ملنگی نے نو عمری سے ہی گلوکاری کا آغاز کر دیا تھا ۔

(جاری ہے)

منصور ملنگی کا پہلا گانا 1965ء کو ریڈیو پاکستان پر نشر ہوا س وقت اس کی عمر 18برس تھی لیکن منصور ملنگی کو پہلی مرتبہ شہرت اس وقت حاصل ہوئی جب اس نی1974ء میں سرائیکی زبان کا مشہور گانا ’’ ایک پھل موتیے دا مار کے جگا سوہنیے ‘‘ گایا ۔منصور ملنگی میں یہ خوبی تھی کہ وہ اپنے گانوں کی شاعری بھی خود کرتے تھے اور ان کی دھنیں بھی ترتیب دے لیا کرتے تھے۔منصور ملنگی نے دیگر صوفیاء کا کلام گا کر بھی بے پناہ شہرت حاصل کی ۔منصور ملنگی 11دسمبر 2014ء کو اس جہان فانی سے رخصت ہو گئے انہیں ان کے آبائی علاقہ گڑھ مہاراجہ ضلع جھنگ میں سپردخاک کیا گیا تھا ۔