یوسف رضا گیلانی اوردیگر کیخلاف ٹڈاپ میں کرپشن اسکینڈل کے 26 کیسز میں آئندہ سماعت پر گواہ طلب

بدھ 6 دسمبر 2023 18:20

کراچی (اُردو پوائنٹ اخبارتازہ ترین - این این آئی۔ 06 دسمبر2023ء) وفاقی اینٹی کرپشن عدالت نے سابق وزیراعظم یوسف رضا گیلانی اور دیگر کے خلاف ٹڈاپ میں کرپشن اسکینڈل کے 26 کیسز میں آئندہ سماعت پر گواہوں کو طلب کرلیا۔بدھ کو وفاقی اینٹی کرپشن عدالت میں سابق وزیراعظم یوسف رضا گیلانی اور دیگر کے خلاف ٹڈاپ میں کرپشن اسکینڈل کے 26 مقدمات کی سماعت ہوئی۔

(جاری ہے)

سابق وزیراعظم یوسف رضا گیلانی پیش نہ ہوسکے۔یوسف رضا گیلانی نے حاضری سے استثنی کی درخواست دائر کردی۔عدالت نے یوسف رضا گیلانی کی حاضری سے استثنی کی درخواست منظور کرلی۔کیس کے گواہ بھی غیر حاضر تھے۔اینٹی کرپشن نے بتایا کہ ملزمان پر فریٹ سبسڈی کی مدد میں قومی خزانے کو بھاری نقصان پہنچانے کا الزام ہے ۔مقدمات میں گواہان کے بیان قلم بند ہونے ہیں۔عدالت نے آئندہ سماعت پر گواہوں کو طلب کرتے ہوئے مقدمات کی سماعت 8 جنوری 2024 تک ملتوی کردی۔