انسداد منشیات فورس کا منشیات اسمگلنگ کے خلاف کریک ڈاؤن جاری ، 7 ملزمان گرفتار

جمعرات 7 دسمبر 2023 14:09

اسلام آباد (اُردو پوائنٹ اخبارتازہ ترین - اے پی پی۔ 07 دسمبر2023ء) انسداد منشیات فورس (اے این ایف )نےمنشیات اسمگلنگ کے خلاف جاری کریک ڈاؤن میں10 کارروائیوں کے دوران 425 کلو گرام سے زائد منشیات برآمدکرکےایک خاتون سمیت 7 ملزمان گرفتارکر لیےہیں ۔ترجمان اے این ایف کے مطابق علامہ اقبال انٹرنیشنل ایئرپورٹ پر مسافر کے ٹرالی بیگ سے 1 کلو 400 گرام آئس برآمدکی گئی۔

لاہور کا رہائشی ملزم غیرملکی پرواز کے ذریعے بحرین کے لئے روانہ ہو رہا تھا۔علامہ اقبال انٹرنیشنل ایئرپورٹ پر مسافر کے ٹرالی بیگ سے 650 گرام ہیروئن برآمد کر کے بحرین جانے والا لاہور کا رہائشی ملزم گرفتارکیا گیا ۔کراچی میں واقع کوریئر آفس سے برطانیہ کیلئے بُک کئے گئے پارسل سے 3 کلو ہیروئن اور 240 گرام آئس برآمدکی گئی۔

(جاری ہے)

ٹی چوک راولپنڈی میں دو ملزمان سے 1 کلو 40 گرام ہیروئن اور 1 کلو 25 گرام آئس برآمد کر کے خاتون سمیت دونوں ملزم گرفتارکیے گئے۔

آفریدی چوک کراچی کے قریب رکشہ میں چھپائی گئی 66 کلو چرس برآمد کی گئی جبکہ ملزم گرفتارکیا گیا۔سپر ہائی وے کراچی پر دو انورٹرز میں چھپائی گئی 32 کلو 400 گرام چرس برآمدکر کے ملزم گرفتارکیا گیا۔جناح کالونی کراچی کے قریب ملزم کے بیگ سے 9 کلو 600 گرام چرس برآمدکی گئی۔نوشکی روڈ، مستونگ میں واقع ایک مکان میں چھپائی گئی 100 کلو چرس اور 200 کلو افیون برآمدکی گئی ۔زخہ خیل خیبر کے علاقے میں چھپائی گئی 9 کلو چرس برآمد کی گئی ۔نادرہ چوک، طورخم کے غیر آباد علاقے سے 690 گرام آئس برآمدکی گئی ۔ترجمان نے بتایا کہ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے ۔