اے این ایف کا منشیات اسمگلنگ کے خلاف کریک ڈاون جاری

جمعرات 7 دسمبر 2023 21:58

لاہور(اُردو پوائنٹ اخبارتازہ ترین - آن لائن۔ 07 دسمبر2023ء) اے این ایف کا منشیات اسمگلنگ کیخلاف کریک ڈاون کا سلسلہ جاری ہے۔ 10 کارروائیوں کے دوران 425 کلوگرام سے زائد منشیات برآمد کرکے ایک خاتون سمیت 7 ملزمان کو گرفتار کرلیا گیا ہے۔تفصیلات کے مطابق علامہ اقبال انٹرنیشنل ایئرپورٹ پر مسافر کے ٹرالی بیگ سے 1 کلو 400 گرام آئس برآمد ہوئی۔ لاہور کا رہائشی ملزم پرواز نمبر GF-676 کے ذریعے بحرین کے لئے روانہ ہو رہا تھا۔

علامہ اقبال انٹرنیشنل ایئرپورٹ پر مسافر کے ٹرالی بیگ سے 650 گرام ہیروئن برآمد کرلی گئی۔ بذریعہ پرواز نمبر GF -767 بحرین جانے والے لاہور کے رہائشی ملزم کو گرفتار کرلیا گیا ہے۔ کراچی میں واقع کوریئر آفس سے برطانیہ کیلئے بک کئے گئے پارسل سے 3 کلو ہیروئن اور 240 گرام آئس برآمد کرلی گئی۔

(جاری ہے)

ٹی چوک راولپنڈی میں دو ملزمان سے 1 کلو 40 گرام ہیروئن اور 1 کلو 25 گرام آئس برآمد کرکے خاتون سمیت ملزم کو گرفتار کرلیا گیا۔

آفریدی چوک کراچی کے قریب رکشہ میں چھپائی گئی 66 کلو چرس برآمد کرکے ملزم کو گرفتار کرلیا گیا۔ سپر ہائی وے کراچی پر دو انورٹرز میں چھپائی گئی 32 کلو 400 گرام چرس برآمد کرکے ملزم کوگرفتار کرلیا گیا۔ جناح کالونی کراچی کے قریب ملزم کے بیگ سے 9 کلو 600 گرام چرس برآمد کرلی گئی۔نوشکی روڈ، مستونگ میں واقع ایک مکان میں چھپائی گئی 100 کلو چرس اور 200 کلو افیون برآمد کرلی گئی۔ زخہ خیل خیبر کے علاقے میں چھپائی گئی 9 کلو چرس برآمد کرلی گئی۔ نادرہ چوک، طورخم کے غیر آباد علاقے سے 690 گرام آئس برآمد کرلی گئی۔گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

Facebook Twitter Google + Share on Whatsapp

اے این ایف کا منشیات اسمگلنگ کے خلاف کریک ڈاون جاری

متعلقہ عنوان :

مزید قومی خبریں