کمشنر و ڈی جی ایل ڈی اے محمد علی رندھاوا کی زیر صدارت ایل ڈی اے ریکارڈ کو محفوظ بنانےاورڈیجٹیلائزیشن کے بارے میں اجلاس کا انعقاد کیا گیا

جمعرات 7 دسمبر 2023 23:17

لاہور (اُردو پوائنٹ اخبارتازہ ترین - اے پی پی۔ 07 دسمبر2023ء) کمشنر لاہور و ڈی جی ایل ڈی اے محمد علی رندھاوا کی زیر صدارت ایل ڈی اے ریکارڈ کو محفوظ بنانےاورڈیجٹیلائزیشن کے بارے میں اجلاس منعقد ہوا۔ اجلاس میں ایڈیشنل ڈی جی ہاو سنگ اور ڈائریکٹر آئی ٹی نے پیش رفت پر بریفنگ دی۔ ایل ڈی اے ریکارڈ کی ڈیجٹیلائزیشن کا کام دن رات جاری ہے۔جوہر ٹاو ن سکیم کی ڈیجٹیلائزیشن مکمل کر لی گئی ہے، درخواستوں کی آن لائن پراسسنگ سے شہریوں کو ریلیف مل رہا ہے۔

فیصل ٹاو ن اور سبزہ زار سکیموں کی ڈیجٹیلائزیشن کا عمل تکمیل کے قریب ہے ،گجرپورہ، علامہ اقبال ٹاون، مصطفی ٹاو ن کے ریکارڈ کی ڈیجیٹیلائزیشن کا کام بھی ساتھ ساتھ جاری ہے ۔تاجپورہ، نیو گارڈن ٹاو ن، شادمان کالونی کے ریکارڈ پر بھی بیک وقت کام کیا جا رہا ہے۔

(جاری ہے)

کمشنرلاہور و ڈی جی ایل ڈی اے محمد علی رندھاوا نے تمام سوسائٹیوں کے ڈیجٹیلائزیشن کے عمل کا ٹائم لائن کے مطابق جائزہ لیا۔

اجلاس میں ڈی جی ایل ڈی اے نے سفٹنگ سیل کی کارکردگی کا بھی جائزہ لیا۔اجلاس میں ایڈیشنل کمشنر، چیف انجینئر ایل ڈی اے، ایڈیشنل ڈی جی ہاو سنگ، ایڈیشنل ڈی جی کچی آبادیز، چیف میٹروپولییٹن پلاننگ، چیف ٹاو ن پلانر ٹو، ڈائریکٹر ڈی جی ہیڈکوارٹر، ایل اے سی، آئی ٹی، ایس پی یو اور ڈائریکٹر ہاو سنگ سیون نے شرکت کی۔