سپورٹس بورڈ پنجاب کے زیر اہتمام صوبائی اور ڈویژنل کوچز کی تربیت کا دوسرا مرحلہ شروع

پیر 18 دسمبر 2023 23:11

لاہور (اُردو پوائنٹ اخبارتازہ ترین - اے پی پی۔ 18 دسمبر2023ء) ڈائریکٹرجنرل سپورٹس پنجاب ڈاکٹر آصف طفیل کی ہدایت پرسپورٹس بورڈ پنجاب کے زیر اہتمام صوبائی اور ڈویژنل کوچز کی تربیت کا دوسرا مرحلہ پنجاب سٹیڈیم میں شروع ہوگیا ہے۔

(جاری ہے)

انسٹی ٹیوٹ آف سپورٹس سائنسز پنجاب کے تحت صوبائی اور ڈویژنل کوچز کی تربیت کے دوسرے مرحلے میں 5 روزہ ٹریک اینڈ فیلڈکورس میں پنجاب کے تمام ڈویژن سے 20 کوچز حصہ لے رہے ہیں،تربیتی کورس کے پہلے دن ماسٹر ٹرینر عابد امین نے کوچز کو سپورٹس اور نیوٹریشن پر لیکچردیا ۔

انہوں نے کوچز کو کھلاڑی کی نیوٹریشن ،غذائیت کی افادیت ،کھلاڑیوں کی تربیت کے مراحل کے حوالے سے لیکچر دیئے، ماسٹرٹرینر نے کوچز کو جمنازیم ہال میں فزیکل فٹنس بھی کروائی۔ اس موقع پر پرنسپل انسٹی ٹیوٹ آف سپورٹس سائنسز پنجاب چاند پروین اور چیف انسرکٹر محمد حفیظ بھی موجود تھے۔